I Fye Tulen gablà ku Dyisas Krayst i Sulat Luk 10:21 - Blaan Sarangani

²¹ Na di bang én, too lehew Dyisas fagu di Mtiu Tulus, na dmasal kenen, manan, “E Mà, Amu magot i langit na tanà, mlé agu fye di ge, du i bunim di dad to too fulung na i dad to mdatah gnadè, tafgadeam di dad to mdanà salngad i dad malnak ngà. Hae, mgimò ani, du ani knayeam.

I Fye Tulen gablà ku Dyisas Krayst i Sulat Luk 10:21 Referans Kwoze

2 Korintu 4:3

Tanun dad to là gamlabat i tdòmi i Fye Tulen gablà ku Dyisas Krayst, du dad to ani là ale galwà di fati landè gusenan.

Ifisus 1:11

Na kdee tagnè fandam Dwata dnohoan fagu di knayean. Na tamgalékan ito mbaling dad ton fagu di ksasatuito di ku Krayst, du ani i tagnè fandaman fandà fa di katbuan.

Ifisus 1:5

tagnè fandaman mdà di knayean, malék gito du nimoan ito dad ngaan fagu di ksasatuito di ku Dyisas Krayst.

Mark 10:15

Tulengu gamu kaglutan, ku i ksalig satu to là salngad di dad ngà ani, là kenen gakuf di kagot Dwata.”

Matyu 21:16

Taman smalek ale ku Dyisas, manla, “Laam kè linge i manla?” Na tmimel Dyisas, manan, “Hae sa. Làyu kè bnasa i man di Tnalù Dwata, manan, ‘Tdoam dad ngà, balù dad too malnak ngà dmayen kdataham?’ ”

Matyu 16:17

Man Dyisas di kenen, “Simon, tingà Dyona too nun kafyem mdà di Dwata, du ise ku to i faglabat dun di ge, bay Màgu di langit, i fgadè dun di ge.

Salmo 8:2

Tdoam dad ngà, na balù dad too malnak ngà, dmayen i kdataham; taman landè kibò dad to dmuen ge gafdadong di ge; fafanakam dad to dmuen ge na i dad to mnang nawa ge.

I Fye Tulen gablà ku Dyisas Krayst i Sulat Luk 15:9

Na di kiten, tlon i dademen sgalak na i dademen saldan, na manan dale, ‘Flehew gamu magin di deg, du tateengu i filakgu lana.’

I Fye Tulen gablà ku Dyisas Krayst i Sulat Luk 15:5

Na di kiten dun, too kenen lehew, na tniangan mulê.

Dyan 11:41

Taman nwèla i batu sang i lbang. Na lngalà Dyisas di langit, na manan, “Mà, bong fye di ge du fanlingem agu.

Salmo 24:1

I Amuito Dwata mfun i klamang banwe na i kdee mnè déén; i tanà ani na i kdee mto di tah tanà slame nfun Dwata.

Matyu 3:7

Kabay di kiten nun dee dad to mdà di lwe bung fnaglut i dad Dyu dnagit Farisi na Sadusi fdadong di kenen du fan fbunyag, manan di dale, “Tay gamu! Salngad gamu i dad ulad mila mdà di lifoh. Simto kè tmulen gamu galwà gamu di flayam blé Dwata ku alò gamu fbunyag?