I Fye Tulen gablà ku Dyisas Krayst i Sulat Luk 1:32 - Blaan Sarangani

³² Too kenen mdatah to, na tlo kenen Tingà i Too Mdatah Dwata, na i Amuito Dwata mlé kenen i kagot gutambulan Harì Dabid.

I Fye Tulen gablà ku Dyisas Krayst i Sulat Luk 1:32 Referans Kwoze

I Fye Tulen gablà ku Dyisas Krayst i Sulat Luk 1:35

Na tmimel i kasaligan, manan, “Salu i Mtiu Tulus di ge kadang, na fnean di ge tulus mdà di Too Mdatah Dwata. Na du ani gumdaam mngà taman too mtiu i tingaam, i to landè salà, na én katlo kenen Tingà Dwata.

Salmo 132:11

Tatoo ge makang di ku Dabid, na laam nawì i fakangam, i tagmanam, “Nimògu harì satu di dad ngaam, na kenen i harì tmadol di ge.

Mark 5:7

na mkit, manan, “E Dyisas, Tingà i Too Mdatah Dwata, tan kiboam deg? Fnigu ku makang ge di Dwata, laam agu fanlayam.”

Tafite 3:7

Na lêman man Dyisas di deg, “Ani sulatam di kasaligan Dwata mifat i dad to faglut di banwe Filadélfya. Manam di dad to faglut, ‘Nun man i to landè salà, na too gsalig, na too nun glal di kagotan gambet i kagot Harì Dabid, hae, du ku lanwan i takab, du fye fafusukan i to di kagotan, landè to gmagan tmakab dun. Kabay ku tnakaban landè gmagan lamwa dun.

I Fye Tulen gablà ku Dyisas Krayst i Sulat Luk 1:76

Na ge, tingàgu, matlo ge kadang Tugad i Too Mdatah Dwata, du muna ge di Mdatah Amu, fye fatlagadam i dalan gumagun,

Matyu 28:18

Na fdadong Dyisas di dale, na manan, “Tagablé di deg i kdee glal di tah langit na di tah tanà.

Roma 1:4

Gablà ku Dyisas Krayst i Amuito, kenen Dwata, du tafgadè di gito kenen sa Tingà Dwata fagu di kgal i tulus Dwata di ktékan kenen mdà di fati.

Dad Nimò 2:30

Kabay kenen satu tugad Dwata na gadean tatoo makang Dwata nun satu to mdà di bel Dabid fanbalingan harì.

Matyu 1:1

Ani gugsulat i gutambul Dyisas Krayst, i bel Harì Dabid, na i bel Abraham di muna fa.

Dad Nimò 16:17

Na i libun ani tatì mlalò gami, na laan tlag mkit, manan, “I dad to ani dad lifan i Too Mdatah Dwata, na i tulenla gamu i kibòyu galwà.”

Dad Nimò 2:36

“Taman toogu fbangal i talùgu di kdeeyu dad bel Israél, du fye tooyu gadè, Dyisas i tanlansangyu di krus, fdatah Dwata na fanbalingan kenen Amu di kdee, na Krayst dunan i To Mgalékan galyu fatan.”

Dyan 12:34

Na tmimel i dad to, manla, “Tanun gatdò di gami mdà di Tnalù Dwata na Krayst i Mgalék Dwata mto kel di landè sen. Na kan ku manam, nket i dnagit Tingà To di krus! Simto kè i Tingà To manam ani?”

Dyan 6:69

Tafaglut gami di ge, du gadèmi ge sa i To Landè Salà dek Dwata sanfatanmi.”

Mark 14:61

Kabay là tmimel Dyisas, tatì fanak. Taman lêman smalek i gumdatah dad bà di Dwata di kenen, manan, “Ge kè Mgalék Dwata, i Tingà Too Magdayen?”

Dad Nimò 7:48

“Kabay i kaglutan, i Too Mdatah Dwata là sa mnè di dad gumnè nimò i dad to, du man Dwata fagu di satu tugadan, manan,

Matyu 3:11

“I kbunyaggu ani fagu di yéél du ilè tamsal gamu, bay nun to tmadol deg too mdatah fa di deg, taman là agu gablà mebe i talumfaan, du too agu mdanà di kenen. I kbunyagan gamu fagu di Mtiu Tulus na di lifoh.

I Fye Tulen gablà ku Dyisas Krayst i Sulat Luk 6:35

Kabay ani nimòyu, kandoyu i dad to dmuen gamu, na mimò gamu fye di dale, na futeng gamu, balù landè imen nawayu ku fulê di gamu. Ku én nimòyu, too bong untungyu, na én i gugmadè gakuf gamu di dad ngà i Too Mdatah Dwata, du balù i dad to là fulung mlé fye di kenen na i dad to sasè, kando ale Dwata.

I Fye Tulen gablà ku Dyisas Krayst i Sulat Luk 3:16

Kabay man Dyan di dale, “Én kbunyaggu gamu ani fagu di yéél, bay nun fan kel satu to too mdatah di deg. Là agu gablà mbel i ikat talumfaan, du too agu mdanà di kenen. Kenen kbunyag gamu fagu di Mtiu Tulus na di lifoh.

I Fye Tulen gablà ku Dyisas Krayst i Sulat Luk 1:15

du i tingàyu kadang satu too mdatah to di kite Dwata. Na laan minum binu ku demen i dademe gaflangal. Na fnò kenen i Mtiu Tulus mdà di ksutan.

Matyu 12:42

Na di Duh Kukum, lê tadag i réyna magot i banwe Siba du dmalam gamu dad to di bang ani, du i nimò libun ani di muna fa i gugmadè na gablà gamu fanlayam, du balù too mawag i gumdaan salu kenen di ku Harì Solomon du fye flinge i gnadean. Kabay nun mdatah gnadè di ku Harì Solomon dini di gamu ani, bay là gamu flinge.”

Salmo 132:12

Ku nafè i dad ngaam lagi i tafakanggu di gamu na nimenla i kdee tdògu dale, nun di bella lagi kadang mbaling harì tmadol di ge kel di landè sen.” Én i fakangam di ku Dabid.