Kolosas 3:16 - Blaan Sarangani

¹⁶ Tooyu fkah di nawayu i kdee tdò Krayst, na satdò na safngewe gamu fagu di kfulung blé Dwata gamu. Mlingag gamu lingag i dmayen Dwata, i dad salmo, na i dad lingag fgadè Tulus Dwata di gamu, na mlé bong fye di kenen mdà di klehew i nawayu.

Kolosas 3:16 Referans Kwoze

Ifisus 5:19

Na ku stifun gamu, satgal gamu nawa fagu di dad salmo na i dad lingag dmayen Dwata, na i dad lingag gumalak i Tulus Dwata gamu. Mlingag gamu mdà di nawayu di kfangamfùyu di Amuito Krayst.

Dyan 15:7

Ku fadlug gamu mnè di deg, na mnè i Tnalùgu di nawayu, na balù tan fniyu di deg blégu gamu.

Roma 10:17

Taman là faglut i dad to ku làla funa linge i glut tdò dunan i Fye Tulen gablà ku Dyisas Krayst.

1 Dyan 2:24

Tooyu fnè di nawayu na fandamyu i talingeyu gablà ku Krayst mdà di katbù i kafaglutyu. Du ku ani nimòyu, too glut masasatu gamu di Tingà Dwata, dunan Dyisas Krayst na di Maito Dwata.

Ifisus 1:17

Na di kdasalgu di Dwata, i Dwata Amuito Dyisas Krayst, i Maito too magdayen, toogu fni ku fagu di Tulusan banlén gamu kfulung faldam na fgadean gamu gablà di kenen du fye tooyu kenen gadè.

Dyém 3:17

Kabay i kfulung mdà di tah langit mahal, du i to nun kfulung mdà di Dwata, matlu kenen, landè ayean sbulaw, nafean i demen to, fdanaan i kton, fulung kenen kamdo i demen to, tnabengan ale, là kenen malék to, na laan flingu.

2 Dyan 1:2

du mnè i kaglut di nawaito ani, na kel di landè sen.

2 Timoti 3:15

Du fandamam, mdà di gutukayam tagatdò di ge Tnalù Dwata Too Mtiu i mlé ge kfulung faldam na mebe ge di kagalwà fagu di kafaglut di ku Krayst Dyisas.

Kolosas 1:9

Taman mdà di duh kaklingemi gablà di kafaglutyu, là gami tlag dmasal gamu, na fnimi di Dwata fye toon fgadè di gamu i kdee knayean fimò gamu fagu di kfulung na i kaglabat blé Tulusan.

Tafite 5:9

Na mlingag ale i falami lingag, manla, “Too ge gablà mwè i sulat maglulun, na lamket i dad fadkatan, du ge sa i tafnatila, na liteam i bayadam dad to nfun Dwata, dad to mdà di kdee sahal bung to, mdà di kdee sahal talù, na mdà di kdee sahal banwe.

1 Dyan 2:27

Kabay gamu, du mnè i Tulus Dwata di gamu, balù landè tamdò gamu, du tagadèyu i kaglut. Na i tdoan gamu slame glut ise ku kakakéng. Taman du tdoan gamu i kaglut too gamu fadlug di ksasatuyu di ku Krayst.

Kolosas 4:6

Na di kdee manyu di dad to là faglut, tooyu fanse i kastulenyu, du fye i ktalùyu gamlé ayè di dad to mlinge dun, du fye gtimelyu balù simto to smalek gablà di kafaglutyu.

Ifisus 5:17

Taman nang gamu mimò i nimò dad to là fulung faldam, bay tooyu neye, du fye glabatyu ku tan i knayè Dwata di gamu.

Dyém 5:13

Ku nun di gamu mlidù, fye ku dmasal kenen di Dwata. Ku nun di gamu lehew, fye ku mlingag kenen dmayen Dwata.

Titus 3:6

Na too fnè Dwata Mtiu Tulus di gito fagu di ku Dyisas Krayst i Falwà gito,

1 Korintu 14:26

Taman dad flanekgu faglut, ku stifun gamu du mangamfù gamu di Dwata, ani fye galyu nimò. Satu di gamu faldam satu lingag dmayen Dwata, na i satu tamdò, na satu fa tmulen ku tan fgadè Dwata di kenen. Na i satu talù i mahal bung talù i laan lmen ganbet, na satu i mubad i gmanan. Kabay balù tan i nimòyu déén, fye ku i kdee gamtabeng i kafaglut i dad to stifun.

Dyém 1:5

Kabay ku nun di gamu kulang i kfulungan faldam, fye ku mni kenen kfulung mdà di Dwata, du too kenen mlé, du too mayè Dwata mlé kfulung di kdee dad to mni di kenen.

Kolosas 1:28

Taman too gami tmulen gablà ku Krayst, fanngewemi na tdòmi i kdee dad to, mdà di kfulung blé Dwata gami, du fye kadang di ktadagla di muna Dwata, landè gukulang i kafaglutla du mdà di ksasatula di ku Krayst.

Salmo 32:7

E Dwata, ge i gusalbunigu; ge i smafang deg di dad sasè, taman too agu mlingag i kafalwaam deg mdà di salà.

Tafite 15:3

Na kdeela mlingag i lingag Mosis i lifan Dwata, na i lingag Tingà Bilibili. Na ani manla, “Amumi Dwata Too Mtulus, too mdatah na too gamtikeng i kdee dad nimoam. Ge i too glut Harì di kdee dad to di kdee dad banwe, na too matlu na too glut i kdee dad nimoam.

1 Dyan 2:14

Na gamu dad tua lagi, smulat agu di gamu, du tagadèyu Dyisas Krayst i tagnè di là fa mgimò i klamang banwe. Na gamu dad lamnok lagi, smulat agu di gamu, du tamgal i kafaglutyu, na mnè Tnalù Dwata di nawayu, na du tagfisanyu Satanas, i gumdà i sasè.

1 Timoti 6:17

Toom man di dad to too nun knun, nang ale fdag na smalig di knunla, du nun gusen i dad knun. Kabay Dwata alò gusmaligla, du kenen sa i mlé kdee di gito i gaflehew gito.

2 Tésalonika 3:15

Kabay nangyu fandam kenen i to knangyu, bay balingyu fanngewe, gambet i flanekyu.

1 Tésalonika 4:18

Taman snatgalyu nawayu fagu di takafgadègu gamu ani.

1 Korintu 14:15

Taman tan i nimògu? Ani nimògu, dmasal agu di Dwata fagu di talù blé Tulus Dwata di deg, na lêgu dmasal fagu di talù glabat i dad to. Na mlingag agu fagu di talù blé i Tulus Dwata, na fagu fa di talù glabat i dad to.

Matyu 26:30

Kafnge én mlingag ale i satu lingag dmayen Dwata na kafngela mlingag mdà ale salu di bulul Olib.

Dad Fngewe 14:8

I kfulung i to fulung mebe i kton, gmadè sa kenen ku tan i nimoan, bay i to là fulung faldam, én fandaman gmadè kenen ku tan i nimoan, bay fangawan i kton.

Roma 15:14

Dad flanekgu faglut, gadègu i dad nimòyu too fye, na gamlabat gamu Tnalù Dwata na fakay gamu satdò.

I Fye Tulen gablà ku Dyisas Krayst i Sulat Luk 2:51

Na kafnge én, mdà kenen magin dale mulê di Nasarét, na nimenan ale di kdee nimoan. Na too fkah yéan kdee ani di nawan.

Tafite 19:10

Kafnge én, lkuad agu di muna i kasaligan du fan agu mangamfù di kenen. Kabay balingan man di deg, “Nang ge mangamfù di deg, du alò agu salig Dwata gambet ge na dad flanekam tmulen i kaglut gablà di ku Dyisas. Alò Dwata gumangamfuam.” I kaglut tagtulen gablà di ku Dyisas én sa i tafgadè di dad tugad Dwata.

Tafite 14:3

Na i mlatu fat falò fat libu to tadag smalu di gusudeng i gumdatah, na di fat gambet lmanaf, na di lwe falò fat ulu, mlingag ale i falami lingag. Na alò dad mlatu fat falò fat libu to ani, i gmagan gambet i lingagla, du ale i tansò Tingà Bilibili mdà di dad salàla di tah tanà.

Dad Fngewe 18:1

I to ku én alò fandaman gufye i kenen kto, laan magin di balù tan i fye fandam i dademe.

Ifisus 5:26

du fye kenen smafye gito di Dwata fagu di klaneban gito di yéél na di kafaglutito Tnaluan,

1 Tésalonika 1:8

du mbel Tnalù Dwata mdà di gamu, ise alò gumbelan di dad banwe di Masidunya na Akaya, bay linge i dad to di kdee banwe gablà di kafaglutyu di kenen. Taman balù làmi tulen dun di dale,