Ifisus 6:4 - Blaan Sarangani

⁴ Na gamu dad tuala, nangyu faflabè dad ngàyu, bay balingyu tdò dale i gablà nimò i dad to faglut di Amuito Krayst. Na fanngeweyu ale i fngewe mdà di kenen.

Ifisus 6:4 Referans Kwoze

Kolosas 3:21

Gamu dad tua, nang gamu mimò guflabè i dad ngàyu, ken baling gdanà i nawala.

Dad Fngewe 22:6

Tdoam i tingà ku tan kiboan mebe i kton, du fye di ktuan laan glifet dun, klon mnè di tah tanà ani.

Dad Fngewe 29:15

Nun gufye i dad ngà ku tdò na fanlayam ale di gugsalàla, bay i dad ngà tatì fbayà di gugsalàla fyàla kadang i yêla.

Dad Fngewe 19:18

Fanlayamam i tingaam di gugsalaan di muhad fa i nawan di klom fa fakay tamdò kenen, du ku laam nimò ani, baling ge sa tmabeng kenen falmo i kton.

Dad Fngewe 29:17

Fanlayamam i tingaam di gugsalaan, na nun ktanak i nawam, na flehewan i nawam.

2 Timoti 3:15

Du fandamam, mdà di gutukayam tagatdò di ge Tnalù Dwata Too Mtiu i mlé ge kfulung faldam na mebe ge di kagalwà fagu di kafaglut di ku Krayst Dyisas.

Dyénésis 18:19

Tamgalékgu Abraham, du fye tdoan i dad ngaan na i dad belan kibòla mimen deg, fagu di kimòla fye na matlu. Na ku én nimòla, dnohògu i kdee fakanggu di kenen.”

2 Timoti 1:5

Du làgu glifet i too glut kafaglutam, salngad i kafaglut i fuam libun Lois na yéam Yunis. Too glut i kafaglutla, na too nun imen nawagu salngad i ge kafaglut.

Dad Fngewe 22:15

Én kagkah i dad ngà, gal ale mimò klandè ldam, bay ku tdoam fagu di kbadas dale di gugsalàla, tnagakla i klandè ldamla.

Ifisus 6:3

manan, “Too nun kafye knèyu, na too gamu mlawil di tah tanà ani.”