Ifisus 6:1 - Blaan Sarangani

¹ Na gamu dad ngà, mimen gamu i dad tuayu, du ani satu flalò Dwata.

Ifisus 6:1 Referans Kwoze

Dad Fngewe 23:22

Fanlingem i maam, du kenen mngà ge, na di ktua i yéam too ge mafè kenen.

Dad Fngewe 6:20

Tingàgu, toom lalò i kafngewe maam, na nangam nlifet i tdò yéam.

Dad Fngewe 1:8

Tingàgu, toom lalò i kafngeweta ge, na nangam nlifet i tdò yéam.

1 Timoti 5:4

Kabay ku nun dad ngaan demen dad fuan, ale sa funa gambet i kibòla mafè na tmabeng i dad malayla. Fye ku gambalas ale i dad tuala na i dad fùla, du ani kanlehew Dwata.

Roma 12:2

Nang gamu mlalò i nimò i dad to dmuen Dwata, bay fatlasyu Dwata i ktoyu fagu di kfalamin i nawayu, du fye gamlabat gamu i knayè Dwata, dunan i matlu nimò gaflehew kenen.

Dad Fngewe 30:17

I to madoy i maan, na too là mayè mimen i yéan, fye ku tnukè i dad anuk di bnas i dad matan, na i lawehan knaan i dad kablak.

Roma 7:12

Kabay i flalò, én gumdaan di Dwata, taman i kdee dekan slame mtiu, matlu, na fye.

I Fye Tulen gablà ku Dyisas Krayst i Sulat Luk 2:51

Na kafnge én, mdà kenen magin dale mulê di Nasarét, na nimenan ale di kdee nimoan. Na too fkah yéan kdee ani di nawan.

1 Fiter 2:13

Tooyu nafè i kdee dad ganlalyu, du én knayè Amuito Dwata mdà di too mdatah ganlal magot i banwe,

Dad Fngewe 30:11

Nun dad to mlagi i màla, na là mlé kafye di yêla.

Dyénésis 28:7

Na lêman gadè Isaw nimen Dyékob i knayè i maan na yéan, na tamdà nan salu di Mésofotamya.

Salmo 19:8

I dad tdò i Amuito Dwata too matlu, na kdee mimen dun too nun klehewla. I dad dekan di dad to too mbangal, na lamwa fandam i dad to mimen dun.

1 Korintu 15:58

Taman dad flanekgu faglut toogu kando, du too glut ani, nang ku lwe nawayu, bay balingyu too tangal i kafaglutyu di ku Dyisas. Too gamu fgal mimò i nimòyu di ku Dyisas Krayst, du gadèyu i kdee nimòyu di kenen nun kadang bong btasan.

Roma 16:2

Tooyu dnawat kenen, du nfun kenen Amuito Krayst Dyisas, du ani too gablà nimò i dad to faglut di Dwata. Tnabengyu kenen ku nun kliduan, du dee dad faglut tnabengan, na agu fa gtabengan.

Dyénésis 37:13

Na talù Dyékob di ku Dyosif, manan, “Tò, ditù i dad flanekam di Sikim, du guftebla i dad lmanaf. Laloam ale du nlauyam.” Tmimel Dyosif manan, “Hae mà, fakay sa.”

Ruth 3:5

Na tmimel Ruth, manan, “Hae, nimengu i kdee manam.”

Dyénésis 48:12

Nwè Dyosif i dad ngaan di saféd Dyékob, na lkuad kenen di muna i maan.

Dyénésis 50:12

Too dnohò i dad ngà Dyékob i katedan dale.