Ifisus 4:9 - Blaan Sarangani

⁹ Na tan kè i gumtatek i gmanan gine gablà di kagket Krayst? I gumtatekan, dunan funa kenen tufa di too gumdanaan di tanà ani.

Ifisus 4:9 Referans Kwoze

Dyan 3:13

Landè to lmen salu di langit galwà di deg, i dnagit Tingà To, du én gumdàgu.

Matyu 12:40

Tlu duh na tlu butang klon di lam tien i bong nalaf na salngad én mkel di deg i dnagit Tingà To, du tlu duh na tlu butang mnè agu kadang di lam i tanà.

Dyan 6:33

I knaan blé Dwata dunan i tufa mdà di langit mlé falami nawa di dad to di tah tanà.”

Dad Fngewe 30:4

Nun kè to lmen magket salu di langit di gumnè Dwata, na samfulê dini fdu ditù? Nun kè to lmen samtifun i nus na nagotan di falelan? Nun kè to lmen mungas i klamang yéél na i klamang mahin di saulan? Nun kè to lmen mimò i klamang banwe na i dad gusablengla? Simto lmen mimò kdee ani, tan i dagitan na dagit i tingaan? Tulenam deg ku gadeam.

Salmo 63:9

Kabay dad to mayè mwè i nawagu falmo; gtufa ale kadang ditù di lam i banwe dad to mati.

Hibru 2:9

Kabay knean fbaling Dyisas to, na mdanà kenen flo di dad kasaligan, du fye mdà di bong kakdo Dwata gito, mati kenen tlas i kdee dad to. Na mdà di kaflayam gnagun di kfatin, tabanlé Dwata kenen bong kdatah na afè.

Dyan 20:17

Na man Dyisas di kenen, “Nangam agu nagot, du là agu fa salu di Màgu. Kabay salu ge di dad flanekgu, na tulenam dale na fan agu salu di Màgu Dwata di langit, dunan Màyu na Dwatayu.”

Salmo 8:5

Kabay tafdataham i dad to fan salngad di kdatah dad kasaliganam di langit, na tagablém di dale i bong kdatah na afè salngad i harì.

Dyénésis 11:5

Kabay Dwata i Amu, mdà kenen di langit, salu ditù du toon neye i bong banwe na i mdatah gumnè nimò i dad to ani.

Hibru 2:7

Kabay tafdataham i dad to fan salngad di kdatah i dad kasaliganam di langit, na tagablém di dale i bong kdatah na afè salngad i harì,

Dyan 8:14

Na tmimel Dyisas, manan, “Balù alò agu i tmulen gablà di ktogu, slame glut i mangu, du gadègu i gumdàgu na i gusalugu. Kabay gamu, làyu gadè gumdàgu ku demen i gusalugu.

Dyan 6:62

Ku én fandamyu, tan i fandamyu ku teenyu agu, i dnagit Tingà To, magket samfulê di gumdàgu di langit?

Dyan 6:58

Ani i knaan mdà di langit, na là salngad di knaan mana knaan i dad gutambulito, du knean mati ale, bay balù simto i kmaan i knaan mangu ani nun nawala landè sen.”

Dyan 6:51

Na agu sa i knaan mdà di langit mlé nawa, na balù simto to kmaan i knaan ani nun falami nawan landè sen. Na i knaan mangu ani dunan i lawehgu blégu kadang du fye nun falami nawa i dad to di klamang banwe.”

Dyan 6:41

Kaklinge i dad Dyu i gman Dyisas, “Agu i glut knaan mdà di langit,” too ale mugak.

Dyan 6:38

Du ise én duengu tufa mdà di langit du nimògu i deg knayè, bay salu agu dini du nimògu i knayè i mdek deg dini di tah tanà.

Salmo 139:15

hae, di kimò i lawehgu di gugbunin di lam tien i yêgu, di too fye kastugad i dad tulangu, là gbuni di ge.