Ifisus 4:32 - Blaan Sarangani

³² Kabay baling gamu mimò fye di kat man satu gamu. Sakdo gamu na slifet gamu salà, gambet klifet Dwata i salàyu fagu di ku Krayst.

Ifisus 4:32 Referans Kwoze

Mark 11:25

Kabay di kdasalyu ku nun ksasè nawayu di balù simto to, funayu nlifet salàla kloyu dmasal di Dwata du fye i Màyu di langit lê mlifet i salàyu, (

2 Korintu 2:10

Na ku nlifetyu i salà i balù simto to lêgu nlifet salaan. Na di klifetgu i gugsalà, nimògu di kite Krayst, du gadègu ani gufye i kdeeyu.

Ifisus 5:1

Taman du gamu i dad ngà Dwata i toon kanbong nawa, tooyu lalò i kenen nimò.

I Fye Tulen gablà ku Dyisas Krayst i Sulat Luk 6:35

Kabay ani nimòyu, kandoyu i dad to dmuen gamu, na mimò gamu fye di dale, na futeng gamu, balù landè imen nawayu ku fulê di gamu. Ku én nimòyu, too bong untungyu, na én i gugmadè gakuf gamu di dad ngà i Too Mdatah Dwata, du balù i dad to là fulung mlé fye di kenen na i dad to sasè, kando ale Dwata.

I Fye Tulen gablà ku Dyisas Krayst i Sulat Luk 6:37

Na man Dyisas fa, “Nang gamu mukum i demeyu to, na là gamu nukum Dwata. Nangyu fansalà i demeyu to, na là gamu fansalà Dwata. Nlifetyu i salà i demeyu to, na nlifet Dwata i salàyu.

1 Korintu 13:4

Ani dalan i to too mbong nawan i demen to. Ftahaan nawan, na nimoan fye di demen to, laan mingà nawa, laan fdatah na fdag i kton.

I Fye Tulen gablà ku Dyisas Krayst i Sulat Luk 17:4

Balù ku fitu dulê kenen gamsalà di ge di sduh, na ku fitu dulê salu di ge, na manan, ‘Msal agu di salàgu di ge, begam nlifet,’ na nlifetam sa.”

Matyu 6:12

Na nlifetam i dad salàmi, salngad klifetmi salà i dad to gamsalà di gami.

1 Dyan 2:12

Na dad ngàgu di kafaglut, smulat agu ani di gamu, du i dad salàyu tanlifet Dwata fagu di kfati Dyisas Krayst.

Roma 12:10

Sakdo gamu dad faglut di ku Krayst, du saflanek gamu, na too gamu safè.

1 Dyan 1:9

Kabay ku msal ito na tulenito dad salaito di Dwata, nlifetan dad salaito, na naloban i gusaseito, du too gsalig Dwata na too tlu.

2 Korintu 2:7

Na ani, fye ku balingyu nlifet i nimoan sasè, na tangalyu nawan, du fye laan kadang gadlug di too sasè kagafaldaman gablà di nimoan, na baling malmo i nawan.

Dyém 5:11

Gadeito nun kafye i dad to én, du tagamtayud ale di kdee kaflayamla. Talingeyu sa gablà di ku Dyob, too dee kaflayam kel di kenen, bay knean gamtayud. Na tagadèyu ku tan i kafye blé Dwata kenen di kakubu i dad tilew, du Amuito Dwata fnò nawan i kakdo.

2 Korintu 6:6

Toomi fite, gami i glut salig Dwata fagu di kiwasmi i sasè nimò, i kaglabatmi i kaglut gablà di Dwata, i ktayudmi, i kafyemi dad to, i knè Tulus Dwata di nawami, na fagu di too glut kakdomi.

I Fye Tulen gablà ku Dyisas Krayst i Sulat Luk 11:4

Na nlifetam i dad salàmi, du nlifetmi dad salà i kdee dad to gamsalà di gami. Na nangam faloh di gami i dad tilew gamgebe gami di salà.’ ”

I Fye Tulen gablà ku Dyisas Krayst i Sulat Luk 1:78

du Dwataito too kamdo gito. I kakel i To Falwà kadang gambet i ksut i duh di gito dad to mnè di gukmifun na di klikò i fati. Na fiten gito i dalan di ktanak nawa.”

Dad Fngewe 19:22

Kayè i to ku nun kamdo kenen landè gusenan, na fye fa i to ku landè knunan di to tmulen kakakéng.

Dad Fngewe 12:10

I to matlu, too fye kifatan i dad lmanafan, bay i to sasè, too sasè kiboan i dad lmanafan.

Ruth 2:20

Na man Naomi, “Fye ku Dwata i Amu mlé di kenen i bong kafye. Là ite kadì glifet Dwata i Amu, du galan dnohò i dad fakangan di dad to mto na balù di dad tamati. I lagi én too gakedta, taman là fakay ku laan ite nifat.”

2 Fiter 1:7

tnùyu di klalòyu kenen knayè i kasakdo di demeyu faglut, na tnùyu di kasakdo i kakdo i kdee dad to.

Dad Nimò 28:2

Na i dad to di banwe én toola gami dnawat, na du tambù mulen na too tno, dmutung ale lifoh.

Dad Fngewe 19:11

I to fulung faldam gadnanan i klabean, na ku nun gamsalà di kenen, ku tatian fbayà, na dnayen kenen i dad to.