Ifisus 4:31 - Blaan Sarangani

³¹ Na tagakyu i kdee katduk nawa gafalmo i fandamyu, na i fandam i demeyu to, na i klumakyu flabè, i kasnang nawa magu lam, i kasbulaw di mata i dad to, i kaftatekyu demeyu to, na i kdee fa dademe sasè nimòyu di demeyu to.

Ifisus 4:31 Referans Kwoze

Kolosas 3:8

Kabay ani, tnagakyu i kdee sasè ani, i kalbut, i klumak flabè, i kimòyu sasè di demeyu to, i kdalamyu falmo i dagit i demeyu to, na i magagsik kastulen.

1 Fiter 2:1

Du tamgimò gamu dad ngà Dwata, tnagakyu i kdee sasè nimòyu, i klimbungyu, kaflinguyu, kingà nawayu, na ktalùyu sasè gablà di demeyu to.

Dyém 1:19

Dad flanekgu kanbonggu nawa, fandamyu ani. Fye i kdee to mlal flinge Tnalù Dwata, nang flal talù, na nang flumak flabè,

Kolosas 3:19

Gamu dad lagi nun yaan, tooyu kanbong nawa i yaanyu, na fantahàyu nawayu di dale.

Dyém 3:14

Kabay ku too mingà nawayu, na funayu i gamu knayè, nang gamu fagsalà fagu di kafdagyu i kfulungyu, du tmulen gamu kéng.

Ifisus 4:26

Ku nun guflabèyu, too gamu fgeye du fye là gamu gamsalà, na tooyu gasil nlifet i kaflabèyu di là fa sdaf i duh,

1 Dyan 3:12

Nangito ganbet Kain di muna fa, du i mfun kenen Satanas, na bnanoan i twalin. Bnanoan i twalin du tagnè sasè nimoan, na matlu nimò i twalin.

Dyém 4:11

Dad flanekgu, nang gamu sdalam. Nè i to dmalam i flanekan di kafaglut ku demen nukuman kenen fagu di sasè, salngad ku dnalaman na nukuman i flalò Dwata. Na ku nukumyu, làyu gimen dun, bay mbaling gamu dad to mukum dun.

Dad Fngewe 26:20

Landè gugadlug kdinè i lifoh ku landè dutungan, salngad i ksugak landè gugadlugan ku landè kalsalék.

Titus 1:7

Du i to mebe i dad faglut, mebe nimò Dwata, taman fye ku landè fakay mlé salà di kenen. Là fakay ku fdag, na mlal flabè, flangal, sfati, na lom i knun.

1 Timoti 3:11

Salngad én i dad yaanla, fye ku too ale mgafè, na là dmalam i demela to du falmola i dengegan, bay gadnanla i ktola na gsalig ale di kalbong kdee.

2 Korintu 12:20

Na likò agu ken di kakelgu di gamu, teengu di gamu i làgu knayè, na nun mangu di gamu i làyu knayè. Likò agu ken nun di gamu sbulaw, mingà nawa, flabè nawa, na fabtasla di nawala i alò knayèla, na falmo i dengeg i demela to, malsalék, fdatah, na gal mlét i nawa i dad demela to.

1 Korintu 14:20

Dad flanekgu faglut, gablà di tdògu gine, nangyu ganbet i fandam i dad ngà i là fulung faldam. Glut kayègu ku én gugambetyu dale di là ale fulung faldam i sasè, bay kayègu i fandamyu gablà di mangu gine i fandam i dad tua.

Dad Fngewe 29:22

I to labè gal smamuk, na i to mlal malbut gal gamsalà.

Dad Fngewe 14:17

I to mlal malbut mlal gsalà, na knang i dad to i to mgaw i demen to.

Dad Fngewe 10:18

I to muni i knang nawan, én i to tmulen kakakéng, na i to samtugad salék, én i to là fulung faldam.

Dad Fngewe 10:12

I gukel i kasnang nawa, dunan samuk, bay gukel i kakdo, dunan klifet i kdee salà.

1 Timoti 5:13

Na là alò ani, bay ken faknalamla ktola tatì mkat gumnè, na mbaling là ale mayè mimò. Kabay ani fa i too mdatah ksasè, dunan mbaling ale dad libun samtugad salék, na flabet ale di nimò landè dale labet, na samtulen i làla fakay santulen.

Galasya 5:20

mangamfù ale di dad ise glut dwata, na mloos ale, snang ale nawa, sbulaw ale, mingà nawala, gal ale flabè, alòla fandam i knayèla, na sduen dad lumbuk, na slumbuk ale mdà di kasduenla,

1 Korintu 5:8

Taman gito dad to faglut, gambet ito i to mbat i kdee falnok, du fatlagadan i kton di fista i Duh Kaglius. I gumtatek ani, nang ito faloh salà mnè di nawaito, na nang ito nimen i sasè knayè i lawehito, bay balingito nimò i too matlu nimò na laloito i kaglut mdà di nawaito.

Roma 3:14

“Fnò i dad bàla dad féét flagi.”

Dad Fngewe 25:23

Ku bang i balat too gafles mulen salngad kagafles i kalbut ku nun malsalék.

Dad Fngewe 18:8

I kastugad salék too kanbayan fanlinge i dad to, di dale salngad knaan too fye i neman na too fye nawala mlo dun.

Dad Fngewe 6:19

i kdalam di salà, i mebe kasnang nawa i dad to sgalak.

Salmo 15:3

na laan falmo i dademen to fagu di gmanan; laan fansasè i dademen to sgalak, na laan samtugad salék gablà di dademen.

Dyénésis 37:4

Na di kgadè dad flanek Dyosif, too kenen kando i màla mdatah fa di kakdon dale, mnang nawala kenen, na landè fye ktalùla di kenen.

Dyénésis 27:41

Na busek Isaw di nawan i knangan i twalin Dyékob, du tagdawat Dyékob i kafye mdà di Dwata i blé moon di kenen. Na man Isaw di kton, manan, “Là mlo mati mà. Na kafnge én, bnanògu twaligu Dyékob.”

Dyénésis 4:8

Kafnge én, man Kain di flanekan Abél, “Magin ge deg di nligo.” Kakella di nligon fnatin i flanekan.

Tafite 12:10

Kafnge én, lêmangu linge i bong talù mdà di langit, manan, “Ani i kagdohò i kafalwà Dwata i dad to, na tafite Dwata i bong glalan magot i kdee, na tambù i kagotan, na tanun glal i To Mgalékan, dunan Krayst Dyisas. Du i dmalam dad flanekito di kafaglut mduh na butang di muna Dwata, tabat mdà di langit.

1 Dyan 3:15

Du simto mnang nawa i demen to, salngad kenen i to manò, na gadeito i to manò laan gfun nawa landè sen.

Titus 2:3

Na salngad én tdoam di dad tua libun. Fye ku én nimòla blà i to mgafè. Na nang ale dmalam i demela to du falmola i dengegan, na nang ale fafasak di dad gamlangal. Kabay tamdò ale i fye nimò,

2 Timoti 2:23

Taman lêmangu man, nang ge flabet di dad kastulen là glut i landè gukmamu, du én sa alò gukelan i kasbulaw.

1 Timoti 3:3

Na là fakay flangal kenen, sfati, demen sbulaw, bay fye tahà nawan, na là lom i knun.

Dad Nimò 21:30

Na kaklinge i dad to di syudad i man dad to én, too sasè kaflabèla na làla gadè i nawala, taman sadlu ale salu di ku Fol, na bnunùla na snadyolla di lwà, na gasilla tnakab i Bong Gumnè Dwata.

Dad Fngewe 29:9

Landè kibò musay i to fulung faldam na i to là fulung faldam, du ku ditù di gususay i to là fulung faldam là manak, alò kenen madoy na flabè.

Dad Fngewe 19:12

I kaflabè i harì gaflikò salngad i bong ngal i lmanaf liyun, bay i kakdon too fye salngad i ulen tatì sanfatan.

Dyénésis 37:21

Kaklinge Rubén i gman i dademe dad flanekan, kayean ku tnabengan Dyosif. Taman manan, “Nangito fnati.

2 Timoti 3:3

landè kakdola, là ale mlifet i dad salà i demela to, ftatekla i demela to, là ale fulung damnan i ktola, too ale labè, mnang nawala kdee fye,

Salmo 37:8

Nang gamu flabè, tagakyu i kalbut nawayu! Na nangyu fsamuk i nawayu du én i gamgebe gamu di sasè.

Ifisus 4:22

Taman tooyu tnagak fandam i labi nawayu, i mebe gamu di dad sasè nimòyu di là gamu fa faglut, du balingan fangaw gamu fagu di kfibalan i dad gafalmo gamu.

Ifisus 4:25

Taman nang ito tmulen kéng, bay tooito tmulen i kaglut di dad flanekito di kafaglut, du kdeeito sa gakuf di laweh Krayst Dyisas.