Ifisus 4:29 - Blaan Sarangani

²⁹ Nang gamu talù sasè, bay én alò manyu i too gamtabeng i kafaglut i demeyu to nun klidù, du fye nun gukmamula dun na nun gufyela.

Ifisus 4:29 Referans Kwoze

Kolosas 4:6

Na di kdee manyu di dad to là faglut, tooyu fanse i kastulenyu, du fye i ktalùyu gamlé ayè di dad to mlinge dun, du fye gtimelyu balù simto to smalek gablà di kafaglutyu.

1 Tésalonika 5:11

Taman snatgalyu nawayu, na stabeng gamu, du fye matnù i kafaglutyu, salngad i tanimòyu ani.

Dad Fngewe 15:7

I kbel i gnadè fagu di to fulung faldam, ise ku fagu di to là fulung faldam.

Dad Fngewe 12:13

I to sasè mfawel kenen fagu di sasè taluan, bay i to matlu galwà di ksamuk.

Matyu 5:16

Salngad én gamu, tooyu fneng i salòyu di kdee dad to, du fye teenla dad fye nimòyu, na dnayenla i Màyu di langit.”

Dad Fngewe 16:21

I to fulung faldam dnagit to nun kaglabat, na i kafye taluan, én gmagan mebe i dad to.

Dad Fngewe 15:23

Lehew i to ku fye i ktimelan di bangan tmimel dun.

1 Fiter 2:12

Tooyu fite di dad to là faglut i katlu nimòyu, du fye balù nun dmalam gamu, teenla baling dad nimòyu too fye, na dnayenla Dwata di duh kukuman dale.

I Fye Tulen gablà ku Dyisas Krayst i Sulat Luk 4:22

Na i kdee dad to déén too dmayen kenen, na too ale tikeng di kafye i dad manan. Na sasalek ale, manla, “Ise ani kè i tingà Dyosif?”

Salmo 5:9

Én fnigu du dad to dmuen deg, landè manla gsalig, na én alò kayèla falmo. I bàla gambet sol i lbang là maglimun, fagu di kafdagla ftatekla i demela to.

1 Fiter 3:1

Na salngad kafngewegu gamu dad libun nun yaan, fdanàyu i ktoyu di yaanyu, du fye i dad yaanyu là faglut Tnalù Dwata, gebeyu di kafaglut balù landè manyu di dale

Ifisus 4:16

Gito dad faglut satu laweh, na i gusmaligito dunan i uluito Krayst. Na masgagot kdee gumgalel i laweh. Na ku too gamgimò i fimò i kat satu gumgalel di laweh ani, i kdee lamnok mdà di kastabengla. Salngad én gito dad faglut, fagu di kasakdoito na kastabengito baling lamnok na mgal i klaloito kenen.

Ifisus 4:12

Na nimò Krayst ani, du fye fatlagadan i kdee dad to Dwata du fye gmagan ito mimò i fimoan gito, du fye lamnok i kafaglut kdeeito dad to i laweh Krayst,

2 Fiter 2:18

Na i manla slame fdatah i ktola fagu di katdòla i tdò landè gukmamu dun. Na dad to falami galwà mdà di dademe mnè fa di salà, fangawla fagu di dad sasè knayè lawehla.

1 Korintu 14:19

Kabay knean, ku déén agu di kastifun i dad faglut, fye fa ku balù alò lime talùgu na glabat i dad to i mangu, du fye gamtabeng dale di kafaglutla, di balù file libu i talùgu na làla glabat dun.

Roma 14:19

Taman balù tan i nimoito, funaito too fandam, du fye là malmo i ksasatuito di dad demeito faglut, na stabengito du fye matnù i kafaglutito.

Roma 15:2

Fandamito demeito faglut na mimò ito i gufyela, du fye lamnok i kafaglutla.

Dyan 1:37

Di kaklinge i lwe gal mlalò ku Dyan i manan, mlalò ale ku Dyisas.