Ifisus 3:14 - Blaan Sarangani

¹⁴ Tay, di kagafaldamgu i bong kfulung Maito Dwata di fandaman di muna fa na i bong kafyen gito, lkuad agu du dmasal agu di kenen,

Ifisus 3:14 Referans Kwoze

Salmo 95:6

Taman fdadong ito na fdanaito ktoito du mangamfù di kenen; lkuad ito di muna Amuito Dwata, i mimò gito,

Filifos 2:10

du fye i kdee mnè di langit na tanà, na balù di gumnè i dad mati, lkuad i kdeela du mangamfù ale, di kaklingela i dagit Dyisas.

Dad Nimò 21:5

Kabay di kakubu i fitu butang, fles gami di kagumi. Na i kdeela faglut di ku Dyisas, na balù dad yaanla na dad ngàla magin gami kel di lwà i syudad. Na di kakelmi di kilil i mahin lkuad gami du dmasal.

Ifisus 1:3

Na dnayenito Dwata i Mà Amuito Dyisas Krayst, du mdà di ksasatuito di ku Krayst bong kafyen gito, du gdawatito i kdee blé Tulusan mdà di langit.

Dad Nimò 20:36

Na di kafnge Fol mangman kdee ani, i kdeela lkuad du dmasal ale di Dwata.

I Fye Tulen gablà ku Dyisas Krayst i Sulat Luk 22:41

Na fawag Dyisas di dale i kawag gnumah tnudà batu, na lkuad kenen du dmasal,

Dad Nimò 9:40

Na falwà Fiter i kdee dad to di sibay, na lkuad du dmasal di Dwata. Na meye kenen di libun mati, na manan, “Tabita, mték ge.” Na nukatan i matan, na di kiten ku Fiter, mték kenen na sudeng.

Dad Nimò 7:60

Na kafnge én, galkuad kenen na tlon Dyisas, manan, “Amugu, begam nlifet i salàla ani.” Na di kmanan ani mati kenen.

Ifisus 3:15

i gumdà i kdee dad faglut i mnè di langit na i kdee mnè fa di tah tanà, gamdawat i dagitla du slame ale dad ngaan.