Hibru 4:13 - Blaan Sarangani

¹³ Landè balù satu di kdee mgimò Dwata di tah tanà gbuni di kenen, teenan i kdee, na di kenen gutmimelito i kdee mgimoito.

Hibru 4:13 Referans Kwoze

1 Korintu 4:5

Taman nang ito mukum i nimò i demeito to, bay fye fa ku fatanito i bang i kasfulê Amuito Dyisas Krayst, du kenen sa mukum kdee. Na fgadean i dad nimò gbuni i dad to, na i dad knayè i nawala. Na kafnge én, dnayen Dwata kat satu to gasngad di nimoan.

Dad Fngewe 15:3

I kdee mgimò di klamang banwe teen Dwata, teenan i kdee nimoito balù fye ku demen sasè.

2 Korintu 5:10

Du nun duh kadang, kdeeito tadag di muna Dyisas Krayst di gumukuman, du dnawatito i ulê i nimoito di kneito di tah tanà, ku fye demen sasè.

Roma 2:16

Taman i Fye Tulen tdògu ani, too dnohò di Duh kukum Dwata i dad fandam buni i dad to, fagu di ku Dyisas Krayst.

Dad Fngewe 15:11

Du gadè Dwata i kdee gablà di gumnè i dad mati, lumban fa kgadean i kdee gablà di nawa i dad to.

Tafite 2:23

Na fafatigu i dad mlalò kenen, du fye gadè i kdee dad to faglut di sahal banwe agu i gmadè ku tan i mnè di fandam na nawa i dad to, na agu kadang malas i dad mgimòla balù fye demen sasè.

Salmo 7:9

Tanlagam moon i sasè nimò i dad to sasè, na tnabengam i dad to matlu di fye nimòla, du ge i Dwata too matlu, na ge i meye ku fye demen sasè i mnè di fandam na nawa i dad to.

Salmo 90:8

Hae, du toom neye i kdee gukulangmi, na balù dad salà bunimi, too gfan di ge;

Dyan 21:17

Na lêman smalek Dyisas di gatlun dulê, “Simon, tingà Dyan, glut bong nawam deg?” Na too mlidù Fiter, du tatlu dulê smalek Dyisas ku too bong nawan kenen. Taman man Fiter di ku Dyisas, “E Amu, gadeam sa kdee, na gadeam sa bong nawagu ge.” Na man Dyisas di kenen, “Toom nifat dad bilibiligu.

Dyan 2:24

Kabay là salig Dyisas i kton di dad to ani du gadean i mnè di nawa i kdee dad to.

Dad Nimò 17:31

Du tamgalékan i duh nukuman i kdee dad to di klamang banwe mdà di matlu kukuman fagu di satu to tamgalékan. Na fiten i kaglut ani di kdee dad to fagu di ktékan i to ani mdà di fati.” Én man Fol di dale.

Salmo 139:4

Amugu Dwata, balù ku làgu fa gman dun, tagneam gadè ku tan i mangu.

Dad Fngewe 5:21

Du teen Dwata i kdee nimòyu, na balù nè i gusaluyu, teenan gamu.

Matyu 6:4

du fye gbuni i kabléyu, na i Màyu di langit i mite kdee nimòyu di gugbunin, kenen sa i mlé gamu untung.”

Dyan 4:16

Na man Dyisas di kenen, “Mdà ge. Nngém yaanam, na samfulê gamu dini.”