Hibru 12:11 - Blaan Sarangani

¹¹ Na ku fadlà ito Dwata di gugsalaito, là ito mayè dun, du tamduk. Kabay ku tnayudito, di kakubu i kafadlaan mbaling ito matlu na nun ktanak nawaito.

Hibru 12:11 Referans Kwoze

2 Korintu 4:17

Na i too sasè kaflayam tnayudmi ani là sa mlo. Na fagu di ktayudmi ani, bong dee kafye blé Dwata gami kadang ditù di langit. Na i dad kaflayam tnayudmi, sadi too tukay ku fasngadmi di bong kafye landè gusenan blé Dwata gami.

1 Fiter 1:6

Taman too gamu flehew, balù di là mlo ani gnaguyu dee bung kaflayam.

Hibru 12:10

Du i dad tuaito di tah tanà, là mlo i kafadlàla gito di gugsalaito. Na fadlàla fagu alò di dale fandam ku tan i gufyeito. Kabay i Maito ditù di langit mahal, du toon gadè ku tan gufyeito, du fye mbaling ito matlu salngad kenen.

Salmo 118:18

Na balù glut tatoo agu fanlayam i Amugu Dwata, bay laan agu blé di fati.

Dad Fngewe 19:18

Fanlayamam i tingaam di gugsalaan di muhad fa i nawan di klom fa fakay tamdò kenen, du ku laam nimò ani, baling ge sa tmabeng kenen falmo i kton.

Dad Fngewe 15:10

Ku gasyat i to di fye dalan, too blat i kaflayaman, na mati i to ku laan dmawat i kngak kenen di gugsalaan.

Hibru 5:14

Kabay di ktua ito fakay ito kmaan i knaan, dunan glabatito i mngalam tdò na gadeito i gusahal i fye na i sasè.

Roma 14:17

Du i too mabtas di gito dad to gakuf di kagot Dwata ise i kakaan na kinum, bay i katlu, ktanak nawa, na klehew blé Mtiu Tulusan di gito.

Salmo 89:32

fanlayamgu ale mdà di salàla, na fatdukgu ale mdà di sasè nimòla.

2 Fiter 2:14

Én alò fanngaballa dad sasè libun. Landè gubsolla di kimòla salà. Na gamgebe ale dad to mlungay di kafaglutla. Too lom i nawala, na fulung ale mwè i toola kayè. Kabay falmo ale Dwata!

2 Timoti 4:8

Taman, nun untung i tafala fatlagad Dwata deg, dunan i untung i dad to matlu di kiten. Amugu, i too matlu mukum mlé di deg untung én di Duh Kukuman. Na ise sa alò deg gumlén i untung, bay léan blé di kdee dad to fatan gagin i ayèla di kasfuléan.

Dyénésis 21:11

Na ani gumdà i bong klidù nawa Abraham, du Ismaél i tingaan.