Galasya 3:8 - Blaan Sarangani

⁸ Di kafsulat Dwata di Tnaluan, falan gadè fbalingan i dad to ise Dyu matlu di kiten fagu di kafaglutla. Na falan tulen ku Abraham gablà di Fye Tulen én, manan, “Fagu di ge, mlé agu kafye di kdee dad sahal to di klamang tanà.”

Galasya 3:8 Referans Kwoze

Dyénésis 12:3

Banlégu kadang kafye i dad to fafye ge, bay dnuengu balù simto dmuen ge. Fagu di ge blégu kafye di kdee dad to di klamang banwe.”

Dyénésis 22:18

Na fagu di dad belam, mlé agu kafye di kdee dad to, du tanimenam i katedgu ge.”

Dyénésis 28:14

Dee kadang i belam salngad i kfung di tanà du là gse. Na satu duh mbel gamu ditù di gusut i duh, na di gusdaf i duh, ditù di gufdu i sabnal, na ditù di gufdu i balat. Na fagu di ge, na i dad belam blégu kafye di kdee dad to di klamang banwe.

Dyénésis 18:18

du i dad belan too dee kadang, na mbaling sbung dad to too mdatah, na banlégu kafye i kdee bung dad to di klamang banwe du mdà di kenen.

Hibru 4:2

Du gito, talingeito sa i Fye Tulen gablà ku Dyisas salngad kaklinge i dad gutambulito. Kabay landè gukmamu i kaklingela dun, du làla sa fnaglut.

Galasya 3:22

Kabay landè flalò gamlé nawa, na nun gsulat di Tnalù Dwata manan kdee dad to di tah tanà ani mgikat di dad salà, taman i kafye fakang Dwata fagu di kafaglut di ku Dyisas Krayst i gablé di dad to faglut di kenen.

Galasya 3:16

Na salngad én fakang Dwata ku Abraham na i satu belan. Ise man Tnalù Dwata ku én fnakangan i dee bel Abraham, bay én balingan man, “Nun fakanggu di satu belam.” I kayean man alò satu bel gumakangan, dunan Krayst.

Dyan 7:38

du nun gsulat di Tnalù Dwata, manan, ‘Mdà di nawa i to faglut di deg, maloh i yéél mlé nawa landè sen.’ ”

Tafite 11:15

Kafnge én, nyuf i gfitu kasaligan i kenen twang. Na di kagyufan dun nun dad mkit mdà di langit, na manla, “I glal magot i klamang banwe di tah tanà i gfun Amuito Dwata na i To Mgalékan, na kenen magot kel di landè sen.”

Roma 9:30

Taman ani manito, balù i dad to ise Dyu là mngabal i katlula di kite Dwata, knean nun di dale mbaling matlu di kiten fagu di kafaglutla.

Roma 9:17

Kabay di Tnalù Dwata nun manan di harì di banwe Idyif, “Én duengu mimò ge harì, du fye mdà di kfisanguge fitegu i kgal tulusgu, du fye mbel i dengeggu di klamang banwe.”

Galasya 4:30

Kabay nun fngewe Dwata ku Abraham di Tnalù Dwata, manan, “Falwaam i fasakam libun na i tingaan, du i tingà sut di fasak là gamfun i nfun i maan, alò i tingaan sut di ise fasak mfun dun.”

Dad Nimò 2:35

kel di kagfisangu dad dmuen ge, na i kafkahgu dale di dungan falel bliam.” ’

Dyan 7:42

du là kè gsulat di Tnalù Dwata, na i Mgalék Dwata dunan satu bel Harì Dabid na sut kenen di banwe Bétléhém di gumnè Dabid?”

Salmo 72:7

Too matnù i katlu dad to di klo i kagotan, na too nun ktanak i banwe landè gutlagan.

Dyan 19:37

Na lêman gdohò gman Tnalù Dwata, manan, “Meye ale di to ndakla agas.”