Éksodus 34:15 - Blaan Sarangani

¹⁵ “Na nang gamu mimò balù tan kasfakang i dad to di banwe gusaluyu, du ku én nimòyu, di bang fnangamfùla i dad ise glut dwatala, na damsù ale di dwatala én, nlakla gamu magin dale, na ken gamu mtabug kmaan i dad knaan i tagabléla di dad ise glut dwatala.

Éksodus 34:15 Referans Kwoze

1 Korintu 8:4

Taman gablà di knaan dsù di dad ise glut dwata, gadeito i dad ise glut dwata, too glut ise Dwata, du nun alò satu glut Dwata, dunan Dwata ditù di langit.

1 Korintu 10:27

Ku nun to là faglut na nlakan gamu kmaan di gumnean, na ku mayè gamu magin kenen, salu gamu ditù di gumnean, na balù tan i blén di gamu knaanyu, nang gamu smalek ku tadsù di ise glut dwata ku demen là, du fye là lwe nawayu kmaan dun.

1 Korintu 8:10

Du ku nun satu demeyu faglut i là fa gamlabat i kaglut teenan gamu kmaan di gumnè i gumangamfù di ise glut dwata, laan gamu kè nagin kmaan, du gadean ge satu to gamlabat? Magin sa kè.

1 Korintu 8:7

Kabay nun dad demeito faglut, là gamlabat landè gnagan i dad ise glut dwata di gito, na malima di dale ku tnagakla i fnaglutla ani, du knalamla di muna fa kmaan i dsù di dale. Kabay ani, ku knaanla, msamuk i nawala, du man nawala gamsalà ale du magin ale kun di kfangamfù di dale.

Éksodus 34:12

Na nang gamu mimò balù tan kasfakangyu i dad to di banwe gusaluyu, du ku én nimòyu tlaab gamu, du là mlo balingyu lalò i sasè nimòla.

Tafite 2:20

Kabay nun làgu kayè di gamu, dunan i kfalohyu i libun dnagit ku Dyésibél tamdò dad saliggu. Manan kenen satu tugad Dwata, bay ise. Fangawan i dad saliggu, du i tdoan fakay kun ku nimòla sasè knayè i lawehla na kmaan i knaan dsù di dad ise glut dwata.

Éksodus 34:10

Tmimel Dwata i Amu, manan, “Hae, na makang agu di ge na di dad bel Israél. Nimògu gamu i bong dee tnikeng, i dad tnikeng là lmen mgimò di tah tanà ani, na kadang teen i kdee dad bel Israél ku tan i kalbong i gnagangu, agu Dwata i Amu.

Dad Nimò 15:20

Kabay balingito smulat dale, na fanngeweito fye ku nang ale kmaan i knaan tadsù di dad ise glut dwata, nang ale mimò i sasè knayè i lawehla, nang ale kmaan dad lmanaf maflang, na nang kmaan litè.

Éksodus 32:8

Too ale mlal samyat mdà di dalan i gumdekgu flalògu dale, na mgimòla i alung i satu tingà baka mdà di tnunal blawen. Na i alung baka gumangamfùla na gudamsùla, na gmanla, ‘Gito dad bel Israél, ani dwataito, ani i gamgebe gito lamwà di banwe Idyif.’