13 Kabay tabyà, ku lehew ge dagu, tdoam deg i kdee knayeam, du fye gadègu i knayeam ani, fye fadlug agu flehew ge. Na nangam glifet i dad to ani, ale i dad tom tamgalékam.”
Na di kdasalgu di Dwata, i Dwata Amuito Dyisas Krayst, i Maito too magdayen, toogu fni ku fagu di Tulusan banlén gamu kfulung faldam na fgadean gamu gablà di kenen du fye tooyu kenen gadè.
Na én dasalmi du fye gmagan gamu mimò i knayè Amuito Krayst Dyisas, na mimò i dad too gaflehew kenen, na di kimòyu too nun fye bungen, na lamnok i kgadèyu gablà di Dwata.
Kabay fye too matnù i kgadèyu gablà di Amuito Dyisas Krayst i Falwà gito, na i kafye blén gamu. Kayègu mdà ani too kenen magdayen na kel di landè sen. Amén.
na manan, “Amugu Dwata, ku too glut kanlehewam agu, fakdogu di ge, samnagin ge gami. Balù i dad to ani too mgal i ulula, bay begam nlifet i dad sasè nimòmi, na i dad salàmi, na dnawatam gami na fbalingam gami dad tom.”
Na du dee dad Dyu là mayè faglut di Fye Tulen gablà ku Krayst, mbaling ale dad to dmuen Dwata. Kabay fagu ani, gamu ise Dyu galwà di flayam Dwata i dad to, balù ise gamu Dyu. Kabay balù ani i kagkah i dad Dyu, mabtas gami fa di Dwata, du mgalékan gami, na nun fakangan di dad gutambulmi,
Na kafnge én, man Dwata i Amu, “Tateengu i kaflayam i dad togu, i dad bel Israél, ditù di banwe Idyif. Na talingegu i dalongla, na i kafnila di dagu tabeng, du fye galwà ale di falel i dad to guglifanla. Gadègu too ale maflayam, na too mlidù i nawagu dale.
Kafnge i kastulenla di dad tua di dad bel Israél, Mosis na Aron salu di ku Faraon, harì di Idyif, na manla, “Tabyà di ge, ani i man Dwata i Amu, i Dwata fnangamfù dad bel Israél, manan, ‘Faloham i dad togu salu di banwe gulandè to, du damsù na mangamfù ale di deg.’ ”
Du ku falmom ale, tan kadang man i dad to di Idyif? Ken manla kadang, tanebem i dad bel Israél lamwà di Idyif, du kayeam sduléam ale fnati di dad bulul. Tabyà, nangam moon fnadlug i kaflabeam dale, na begam tanlas i fandamam, na nangam fnadlug falmo dale.