Biblia Todo Logo
Bib sou entènèt

- Piblisite -




Éksodus 32:4 - Blaan Sarangani

4 Nwean i dad ulel di dale, na tnunalan na kokan di gumimò dun, na fagu ani mgimoan i alung tingà baka. Kafnge én, man i dad to, manla, “Gito dad bel Israél, ani i dwataito, ani i gamgebe gito lamwà di banwe Idyif.”

Gade chapit la Kopi




Éksodus 32:4
36 Referans Kwoze  

Taman di bang én, mimò ale dwatala kafbaweh i tingà baka, na nebela i dsùla di baka mgimòla, na mimò ale fista du dnayenla i mgimòla én.


Too ale mlal samyat mdà di dalan i gumdekgu flalògu dale, na mgimòla i alung i satu tingà baka mdà di tnunal blawen. Na i alung baka gumangamfùla na gudamsùla, na gmanla, ‘Gito dad bel Israél, ani dwataito, ani i gamgebe gito lamwà di banwe Idyif.’


“Na du glut gito dad ngà Dwata, nangito fandam ku i kafbawehan salngad i gal nimò i dad to mdà di blawen, salafì, na ku demen batu, du i kafbaweh nimòla én alò mdà di gnadè na kfulung i dad to.


Taman nang gamu mimò dad dwatayu mdà di salafì ku demen blawen du fnangamfùyu. Nang gamu mimò na mangamfù di balù tan, galwà di dagu.’ ”


Di kite i dad bel Israél tatoo mlo Mosis là masol di bulul, stifun ale na salu di ku Aron, na manla di kenen, manla, “Laito gadè ku tan i mkel di ku Mosis, i to mebe gito lamwà di banwe Idyif, taman mimò ge gami i dad dwata, du fye nun mebe gito.”


“Agu sa Dwata i Amu, i Dwatayu, i mebe gamu lamwà di banwe Idyif, mdà di kaglifanyu.


Nang ito mangamfù di dad ise glut dwata, salngad i nimò i dademe dad gutambulito. Na gsulat di Tnalù Dwata i nimòla di kfangamfùla dale, manan, “Sudeng i dad to, du kmaan na minum, kafnge én sayew ale.”


Taman nwè i kdee dad to i ulella, na nebela di ku Aron.


Na kite Aron dun ani, nimoan i gudamsù di muna i alung tingà baka blawen, na fgadean di dad to, manan, “Fayah nun fista, du mafè ito Dwata i Amu.”


Na man Dwata i Amu di ku Mosis, “Faflal ge masol, du i dad to nebem lamwà di banwe Idyif, gamsalà ale na knagolla agu.


Taman fnigu di dale ku nebela di deg i dad kasla blawen, na i dad nun kas blawen nwèla na bléla di deg, na batgu di lifoh, na tay, tamsut sa i tingà baka!”


Kafnge én, fanlayam Dwata i Amu i dad bel Israél, du feben i satu tduk di dad to, du fnangamfùla i alung tingà baka, i nlegesla fimò ku Aron.


Nang gamu mimò i alung kafbaweh balù tan i mnè di langit, di tah tanà ani, ku demen mnè di mahin na yéél, du gumangamfùyu.


Swiv nou:

Piblisite


Piblisite