Éksodus 3:8 - Blaan Sarangani

⁸ Taman fdanà agu salu dini, du falwàgu ale di falel i dad to Idyif, na mebe dale ditù di satu too fye na too mabal tanà. Nebegu ale di banwe nun too mabù tanà. Di bang ani i banwe ani nanè i dad to di Kanaan, dad to Hiti, dad to Amori, dad to Férisi, dad to Hibiti, na dad to Dyébusi.

Éksodus 3:8 Referans Kwoze

Dyénésis 50:24

Na satu duh, man Dyosif di dad flanekan, “Na mdadong nan i bang kfatigu, bay là gamu fbayà i Dwata. Hae, dnohoan i fakangan di dad gutambulito Abraham, Isaak, na Dyékob, du tnabengan gamu na neben gamu kadang, mdà di banwe ani salu di banwe tafakangan i dad belito.”

Éksodus 3:17

Too ale maflayam, taman ani i fakanggu dale, falwàgu ale mdà di kaglifanla di Idyif. Na nebegu ale di banwe nun too mabù tanà, ditù di banwe nanè i dad to Kanaan, dad to Hiti, dad to Amori, dad to Férisi, dad to Hibiti, na dad to Dyébusi.”

Dyan 6:38

Du ise én duengu tufa mdà di langit du nimògu i deg knayè, bay salu agu dini du nimògu i knayè i mdek deg dini di tah tanà.

Salmo 91:15

Di katlon deg, tnabenggu kenen, na làgu kenen tnagak di bang i nun samuk, bay falwàgu na fdatahgu kenen.

Salmo 34:8

Taman tilewyu du fye teenyu sa i kafye Amuito Dwata! Too nun klehew i to glidung di Dwata.

Salmo 12:5

Na man i Amuito Dwata, “I dad to landè too bankut na fanlayam i dademela to, taman là fakay ku làgu blé di dale i tabeng kayèla, na là fakay ku làgu ale falwà di agot i dad to mlayam dale.”

Dyénésis 11:5

Kabay Dwata i Amu, mdà kenen di langit, salu ditù du toon neye i bong banwe na i mdatah gumnè nimò i dad to ani.

Dyan 3:13

Landè to lmen salu di langit galwà di deg, i dnagit Tingà To, du én gumdàgu.

Éksodus 34:11

Na nimenyu i kdee flalò blégu gamu kadang di duh ani, na toogu falwà i dad dademe bung dad to di banwe gusaluyu, dunan i dad to Amori, i dad to Kanaan, i dad to Hiti, i dad to Férisi, i dad to Hibiti, na i dad to Dyébusi.

Dyénésis 18:21

Taman salu agu ditù, du neyegu ku glut i kaklingegu ku là.”

Dyénésis 15:14

Kabay kafnge én, fanlayamgu i dad to masak dale, na galwà ale di agot i dad to én, na di kalwàla gamgebe ale i dee dad knun.

Dyénésis 11:7

Taman salu agu ditù na sansahalgu i talùla, du fye nun dee sahal talù, du fye là ale saglabat.”

Dyénésis 15:13

Taman lêman man Dwata i Amu di kenen, “Fye gadeam too gdohò i knè i dad belam di tanà nfun i dademe dad to na gfasak ale na faflayam ale kel di fat latu fali.

Dyénésis 46:4

Naginta ge salu ditù di Idyif, na kafnge én, nebegu i dad belam samfulê di banwe Kanaan. Na kadang di kfatim déén Dyosif di safédam.” Én gman Dwata di ku Dyékob.

Éksodus 5:23

Hae, du mdà di kastulengu di harì, du tulengu kenen i gmanam, too baling matnù i kafsasean i dad tom, na balù ani i kagkahla landè tabengam dale.” Én man Mosis di Dwata.

Éksodus 12:41

Na di duh ksikof i fat latu tlu falò fali, lamwà i kdee i dad to Dwata i Amu, di banwe Idyif.

Dyénésis 43:11

Na man i màla, “Ku landè dademe kfagu fakay nan, bay mebe gamu i dad too fye bunge di tanaito, du bléyu di gubirnador atù. Mebe gamu dad bulung mdà di kayu, tukay tnab, dad anag, na dad bunge i dad kayu fistasio na aleméndras.

Salmo 12:6

Na too glut gsalig dad fakang Dwata, gambet ale i too glut salafì maglaneb fagu di lifoh fitu dulê.