Éksodus 3:7 - Blaan Sarangani

⁷ Na kafnge én, man Dwata i Amu, “Tateengu i kaflayam i dad togu, i dad bel Israél, ditù di banwe Idyif. Na talingegu i dalongla, na i kafnila di dagu tabeng, du fye galwà ale di falel i dad to guglifanla. Gadègu too ale maflayam, na too mlidù i nawagu dale.

Éksodus 3:7 Referans Kwoze

Salmo 34:6

Landè dademe gamtabeng deg, taman tamlo agu di Amugu Dwata na tnabengan agu, na falwaan agu di kdee kaflayamgu.

Salmo 34:4

Dmasal agu di Amugu Dwata na tnimelan i dasalgu, na nwean kdee klikògu.

Éksodus 1:11

Taman nalékla i dad to labè, du ale mgimò ulu gal magot i dad bel Israél, du mleges dale mimò i blat nimò. Fafdakla dale i lwe syudad dnagit ku Fitom na Rameses, du déén gumusek i dad knaan na i dad knun Faraon, i harì di banwe Idyif.

Salmo 22:24

Hae, du laan tì tnagak i to maflayam, na laan fbayà di kaflayaman. Laan kenen knagol, bay galan kenen fanlinge ku tamlo du ftabeng di kenen.”

Hibru 4:15

Du i mdatah baito di Dwata, toon glabat ku tan i gumlungayito, du tanagun i kdee dad tilew i gnaguito. Kabay kenen alò i là lmen gamsalà.

Dyénésis 18:21

Taman salu agu ditù, du neyegu ku glut i kaklingegu ku là.”

Dad Nimò 7:34

Tateengu i kaflayam gnagu i dad togu di banwe Idyif. Talingegu i dalongla, na fdanà agu salu dini du falwàgu ale di falel i dad to di Idyif. Taman faflal ge, du dekta ge samfulê di Idyif.’ ”

Dyénésis 16:11

Na tuad man i kasaligan Dwata, “Di là mlo ani, mngà ge lagi, na dnagitam ku Ismaél, du i gumtatek i dagitan ani dunan, fanlinge sa Dwata i kaftabengam.

Dyénésis 21:17

Na Dwata mlinge i kngel i tingaan. Na kaklingen dun, tlo kasaligan Dwata Hagar, mdà di langit, na manan, “Tan kè duenam mlidù? Nang ge likò, du talinge Dwata i klanu i tingaam na teenan i kagkahan.

Éksodus 5:6

Di duh én, dek i harì i dad to Idyif, gal magot i dad lifan, na i dademe dad Hibru fagotla i dademela bel Israél di nimòla, manan,

Éksodus 5:10

Taman i dad magot i dad lifan, lamwà ale di muna i harì na manla di dad bel Israél, manla, “Man i harì là gami nan mlé gamu lami.

Éksodus 33:13

Kabay tabyà, ku lehew ge dagu, tdoam deg i kdee knayeam, du fye gadègu i knayeam ani, fye fadlug agu flehew ge. Na nangam glifet i dad to ani, ale i dad tom tamgalékam.”

Éksodus 1:8

Kafnge én too mlo, nun to mbaling i falami harì di Idyif, bay là kenen gmadè gablà di kafye kimò Dyosif di banwe ani.

Salmo 9:14

taman falwaam agu du fye gtulengu di kdee tom ditù di syudadam Sion i kdee kafyem di deg; na too agu lehew di kafalwaam deg.

Salmo 12:6

Na too glut gsalig dad fakang Dwata, gambet ale i too glut salafì maglaneb fagu di lifoh fitu dulê.