Éksodus 20:6 - Blaan Sarangani

⁶ Kabay i to kamdo deg, na mimen i flalògu, fitegu i kakdogu di dale, kel di file libu kansad dad bella.

Éksodus 20:6 Referans Kwoze

1 Dyan 5:3

Du ku mimen ito i dad flaloan gito, ani gugmadeito i kakdoito kenen too glut. Na là too blat i dad flaloan.

Dyan 14:21

“Simto to gmadè na mimen i dad flalògu, kanbongan agu nawa, na i to mbong nawa deg, bong nawami Mà kenen, na fgadègu di kenen gablà di ktogu.”

Dad Nimò 2:39

Du én sa fakang Amuito Dwata di gamu, na dad ngàyu, na balù fa dad to di gumawagan, kel di kdee tamgalékan.”

Dyan 14:15

“Ku bong nawayu deg, nimenyu sa i dad flalògu.

2 Dyan 1:6

Na i too glut kakdo gmangu ani, faglabatgu gamu i gumtatekan, dunan tooito nimen dad flalò Dwata gito. Talingeyu mdà fa di kagatbuan i satu flaloan, dunan too ito mnè di kasakdo.

1 Dyan 4:19

Ani duenito kamdo, du Dwata sa muna kamdo gito.

Dyém 1:12

Nun kafye di to tmayud di dad tilew kel di kenen, du ku gamtayud nun untung gdawatan, dunan nawa landè sen fakang Dwata di dad to mbong nawa kenen.

Éksodus 34:7

Na fitegu i kakdogu i là mgili, fagu di klifetgu i dad sasè nimò, i klafà i knayègu, na i dad salà i file libu dad to. Kabay i dad to mimò salà, làgu fbayà, bay toogu fanlayam, na i kaflayamgu dale ani, kel di dad fùla, na kel fa di dad ngà i fùla.” Én gman Dwata.

Salmo 103:17

Kabay i kakdo Amuito Dwata di dad to nun klikò di kenen, knean i knean, landè kgilin mdà di landè gutambuan kel di landè gusenan; i kafyen dale gafat di kdee tugad i bella,

Dad Fngewe 3:1

Tingàgu, nangam nlifet i tdògu ge, bay toom busek di nawam i dad fngewegu ge.