Éksodus 20:12 - Blaan Sarangani

¹² Tooyu nafè i màyu na yêyu, fye mlawil gamu dini di banwe blé di gamu.

Éksodus 20:12 Referans Kwoze

Kolosas 3:20

Gamu dad ngà, nimenyu i dad tuayu di kdee nimòyu, du ani gaflehew Dwata.

Mark 7:10

Du man Dwata fagu di ku Mosis, ‘Nafèyu màyu na yêyu,’ na manan, ‘Ku simto to talù sasè gablà di maan ku demen yéan fnatiyu.’

Dad Fngewe 30:17

I to madoy i maan, na too là mayè mimen i yéan, fye ku tnukè i dad anuk di bnas i dad matan, na i lawehan knaan i dad kablak.

I Fye Tulen gablà ku Dyisas Krayst i Sulat Luk 18:20

Tagadeam i dad flalò blé Dwata fagu di ku Mosis i gman, ‘Nang ge mlafà yaanam, nang ge manò, nang ge tmaku, nang ge tmulen kéng di gususay, na mafè ge i maam na yéam.’ ”

Matyu 19:19

mafè ge i maam na yéam, na kandom i demem to salngad kakdom i ktom.”

Dad Fngewe 20:20

I to fanlagin i maan demen i yéan, fnati salngad i salò fnati di kifu.

Mark 10:19

Tagadeam dad flalò blé Dwata fagu di ku Mosis i gman, ‘Nang ge manò, nang ge mlafà yaanam, nang ge tmaku, nang tmulen kéng di gususay, nang ge mlangong i demem to, na mafè ge maam na yéam.’ ”

Dad Fngewe 3:16

Mdà di kfulung gdawatam klawil, knun, na kafè.

Dad Fngewe 30:11

Nun dad to mlagi i màla, na là mlé kafye di yêla.

Dad Fngewe 28:24

I to tmaku di maan demen di yéan, na manan, “Ise sa salà i nimògu,” salngad ku dmeme i to gal falmo i demen to.

Dad Fngewe 15:5

I to là fulung faldam là mayè flinge i tdò i maan, bay i to dmawat i kngak i maan, fiten i kfulungan mebe i kton.

Ifisus 5:21

Safè gamu kat satu gamu, du nafèyu Krayst Dyisas.

Dad Fngewe 17:6

I dad tua mdag i dad fùla, na salngad i dad ngà du mdag ale i dad tuala.

Dyénésis 48:12

Nwè Dyosif i dad ngaan di saféd Dyékob, na lkuad kenen di muna i maan.

Dyénésis 50:12

Too dnohò i dad ngà Dyékob i katedan dale.

Ruth 3:6

Taman mdà Ruth na salu di gumlèk, na nimoan i kdee i gman tewen di kenen.