Éksodus 2:24 - Blaan Sarangani

²⁴ Na fanlinge Dwata i dalongla, na laan glifet i fakangan di dad gutambulla, Abraham, Isaak, na Dyékob.

Éksodus 2:24 Referans Kwoze

Salmo 105:42

Tanimò Dwata kdee ani, du laan nlifet i fakangan di saligan Abraham.

Éksodus 6:5

Na talingegu i dalong i dad togu, dad bel Israél, i nlifan i dad to Idyif, na làgu glifet i gfakanggu di dad gutambulla.

Salmo 22:24

Hae, du laan tì tnagak i to maflayam, na laan fbayà di kaflayaman. Laan kenen knagol, bay galan kenen fanlinge ku tamlo du ftabeng di kenen.”

Salmo 22:5

Tamlo ale di ge na galwà ale; smalig ale di ge na landè gugdanà nawala.

Dyénésis 18:18

du i dad belan too dee kadang, na mbaling sbung dad to too mdatah, na banlégu kafye i kdee bung dad to di klamang banwe du mdà di kenen.

Dyénésis 17:7

Toogu dnohò i fakanggu di ge ani, na kel di dad belam kel di landè sen. Agu Dwatam na Dwata i dad belam di fulé duh.

Dyénésis 32:28

Na man i to én, “Mdà ani ise ku Dyékob i katlo ge, bay Israél, du tasbunù ge Dwata na i dad to, na là ge gfisan.”

Dad Nimò 7:34

Tateengu i kaflayam gnagu i dad togu di banwe Idyif. Talingegu i dalongla, na fdanà agu salu dini du falwàgu ale di falel i dad to di Idyif. Taman faflal ge, du dekta ge samfulê di Idyif.’ ”

Dyénésis 8:1

Kabay là fbayà Dwata Nowa, na i kdee dad lmanaf i faginan fusuk di aweng. Taman fbalan i nus di tah tanà, na tambù mten i yéél.

Dyénésis 15:13

Taman lêman man Dwata i Amu di kenen, “Fye gadeam too gdohò i knè i dad belam di tanà nfun i dademe dad to na gfasak ale na faflayam ale kel di fat latu fali.

Dyénésis 16:11

Na tuad man i kasaligan Dwata, “Di là mlo ani, mngà ge lagi, na dnagitam ku Ismaél, du i gumtatek i dagitan ani dunan, fanlinge sa Dwata i kaftabengam.

Dyénésis 22:16

na manan, “Du tanimenam agu, na fanam blé di deg i sen tingaam, nun fakanggu di ge ani i toogu dnohò, du deg sa Dwata i Amu i talù di ge.