Éksodus 15:16 - Blaan Sarangani

¹⁶ Fisan ale i klikòla. E, Amugu Dwata, di kitela i bong gnaganam, là ale galyak, du mdà di sè klikòla, kel di klius i dad tom, i dad to tansoam mdà di kaglifanla.

Éksodus 15:16 Referans Kwoze

2 Fiter 2:1

Di muna fa, nun di dad to flingu ale kun tugad Dwata. Na lêman ani, nun dad to kadang mdà di gamu flingu ale dad tamdò Tnalù Dwata. Na i tdòla kakakéng gafalmo i kafaglutyu, na knangla Amuito, i magot kdee na tamayad i dad salàla. Taman too makto kel di dale i kalmola.

1 Fiter 2:9

Kabay gamu sa i dad to mgalék Dwata du fbalingan gamu dad ton, i dad to mgimò Hariito Dwata i damsù di kenen, dad to matlu gakuf di kagotan, dad to nfunan fye gamtulen i dad fye mgimoan, du tatlon gamu mdà di gukmifun, na fsalun di gumalwan.

Titus 2:14

Blé Dyisas i kton di fati tlas gito, du fye falwaan ito mdà di kdee salà, nlaneban ito, nimoan ito dad to nfunan, na banlén ito ayè mimò fye.

Éksodus 11:7

Kabay i dad bel Israél làgu fakuf kadang di kaflayam ani. Landè fanlayam di dale balù i dad lmanaf landè mati, fye gadeam là salngad kibògu i dad to Idyif na i dad bel Israél.

Dad Nimò 20:28

Na tooyu neye i ktoyu, na i kdee dad faglut i tasalig i Mtiu Tulus di gamu du salngad ale dad bilibili. Na tooyu nifat i dad to fbaling Dwata dad ton fagu di kfati i Tingaan Dyisas.

Éksodus 15:5

Maglimun ale i bong mngalam mahin, na galnab di too gumngalaman, gambet i batu.

Éksodus 15:6

Amugu Dwata, i sigalam kwanan too nun gnaganan. Hae, du i sigalam kwanan gmagan misan, na falmo i dad to dmuen dagu.

Éksodus 15:13

Fagu di kakdom landè kgilin, dnohoam kadang i fakangam, na nalakam i dad to tansoam mdà di falel i dad to dmuen dale. Fagu di bong gnaganam, gmagan ge malak dale di banwe i gumneam, i tagaam dale.

Éksodus 20:2

“Agu sa Dwata i Amu, i Dwatayu, i mebe gamu lamwà di banwe Idyif, mdà di kaglifanyu.

Salmo 105:38

Lehew i dad to Idyif di kalwà i bel Israél di banwela, du talikò ale di dale.

Éksodus 6:7

Dnawatgu gamu i too dad togu, na deg sa i Dwata fnangamfùyu. Na gadèyu kadang deg sa Dwata i Amu, i Dwata tooyu fnangamfù, di kafalwàgu gamu di kaglifanyu di dad to Idyif.

Salmo 89:14

I katlu na kaglut i gugtadag i kagotam; i kdee nimoam fagu di kakdom landè kgilin na fagu di kagsaligam.