Éksodus 15:11 - Blaan Sarangani

¹¹ E, Amugu Dwata, simto dad mule i gasngad ge? Simto i salngad ge, i ktium too mdatah? Simto i salngad ge, i bong knengam too gamtikeng? Simto i salngad ge, i bong gnaganam di kimoam dad tnikeng?

Éksodus 15:11 Referans Kwoze

Tafite 4:8

Na kat satu dale nun nam fafakla na lawehla slame mata di lwà na di lam. Na mlingag ale tayud i butang na mduh. Na man i lingagla ani, “Landè salaan, landè salaan, landè salà Amuito Dwata Too Mtulus, i tagnè mdà di kagatbuan kel ani, na kel di landè sen.”

Tafite 15:4

E Amumi, kdee dad to mafè ge, na dmayen na fdatah ge, du ge alò i too mtiu du landè salaam. Kdee dad to di kdee banwe salu ale kadang di ge, na mangamfù ale di munam, du tateenla i kdee dad nimoam too matlu.”

Éksodus 8:10

Na tmimel Faraon, manan, “Fayah fdasalta ge.” Na man Mosis, “Nimògu i manam, du fye gadeam landè gasngad Dwata i Amu, i Dwata fnangamfùmi.

I Fye Tulen gablà ku Dyisas Krayst i Sulat Luk 12:5

Kabay tulengu gamu ku simto i gablàyu kanlikò. Én kanlikòyu Dwata du gaganan fnati i lawehyu, na gmagan fa mbat gamu di lanaw lifoh. Hae, mangu di gamu, kenen sa i gablàyu kanlikò!

Salmo 90:11

Landè to too gmadè i kbong kinit kalbutam, na landè to too gablà i klikoan i kaflabeam.

Salmo 89:18

Hae, Amugu Dwata, du ge i kamlung gami; na ge, Dwata Landè Salà, gusmalig i gutambulmi Israél, na ge i mlé harìmi.

Tafite 13:4

Na fnangamfù i dad to i bong naga, hae du tablén sa i glalan di bong kanlikò, na fnangamfùla i bong kanlikò, na manla, “Landè fakay gasngad di bong kanlikò ani. Na landè gamfisan dun.”

Éksodus 3:20

Taman mdà di bong gnagangu fanlayamgu kadang i dad to di Idyif fagu di dad tnikeng i nimògu. Kafnge én, falohan gamu lamwà.

Éksodus 9:14

Du ku laam ale faloh lamwà, toogu fanlayam i dad ganlalam, na i dad tom, na balù ge, du fye gadeam landè nan dademe gasngad deg di klamang i banwe.

Éksodus 20:3

Nang gamu mangamfù di ise glut dwata, du agu alò i Dwatayu.

Salmo 22:23

Mangu di dale, “Kdeeyu nun klikò di Amuito Dwata, dnayenyu kenen. Fdatahyu kenen, gamu bel Dyékob; nafèyu kenen, gamu bel Israél.

Éksodus 8:6

Taman nimen ale Mosis i kdee gman Dwata dale. Na tdò Aron i tugadan di tah i kdee dad yéél di Idyif, na msut i dad dee fak na mbel di klamang tanà Idyif.