Éksodus 14:11 - Blaan Sarangani

¹¹ Na manla ku Mosis, manla, “Nebem gami kè dini, du fye mati gami di banwe gulandè to, du talandè gulambangmi di Idyif. Tulenan gami ku tan i duenam mebe gami dini lamwà di banwe Idyif?

Éksodus 14:11 Referans Kwoze

Éksodus 5:22

Na lêman talù Mosis di Dwata i Amu, manan, “E, Amugu Dwata, kan dé ku fanlayamam dad tom ani? Na kan kè i duenam mdek deg dini ku ani kiboam dale?

Dyénésis 43:6

Tmimel Israél, dunan Dyékob, manan, “Tan kè duenyu tmulen kenen nun twaliyu? Too gamu mlé deg ksamuk nawa.”

Éksodus 5:21

Na manla di dale Mosis, manla, “Teen sa i Dwata i Amu, i mgimòyu ani, na fanlayaman gamu. Hae, du mdà di gamu i duen i harì na i dad ganlalan too knangla gami. Na fagu di nimòyu ani banléyu ale dalanla mati gami.”

Éksodus 13:17

Di kfaloh i harì di Idyif ku lamwà dad bel Israél di banwen, là ale nalak Dwata magu di dalan salu di tanà gumnè i dad to Filistin, balù én too gumdadong dalan mdà di Idyif salu di banwe Kanaan, i tanà i fakang Dwata blé dale. Hae, du balù nun tek nebela mdà di Idyif, man nawa Dwata, manan, “Ken mguman i fandam i dad togu, na samfulê ale di Idyif, ku teenla i dad to Filistin i dmuen dale, gatlagad samfati dale.” Taman nalakan ale flibut, fagu di dalan salu di banwe gulandè to, salu di Fulè Mahin.

Éksodus 32:1

Di kite i dad bel Israél tatoo mlo Mosis là masol di bulul, stifun ale na salu di ku Aron, na manla di kenen, manla, “Laito gadè ku tan i mkel di ku Mosis, i to mebe gito lamwà di banwe Idyif, taman mimò ge gami i dad dwata, du fye nun mebe gito.”