Dyud 1:16 - Blaan Sarangani

¹⁶ Dad to én, gal ale mugak na banléla salà i dad demela to, lalòla i sasè knayèla, fdagla i ktola, na dnayenla dademe to, fye gwèla i knayèla.

Dyud 1:16 Referans Kwoze

2 Fiter 2:18

Na i manla slame fdatah i ktola fagu di katdòla i tdò landè gukmamu dun. Na dad to falami galwà mdà di dademe mnè fa di salà, fangawla fagu di dad sasè knayè lawehla.

2 Fiter 2:10

Lumban flayaman i dad to too mlalò i sasè knayè lawehla, na i dad to madoy kdee nun glal. I dad to tamdò kakakéng, too ale labè na too fdag, na landè afèla dad mdatah kasaligan Dwata, bay balingla ale nadoy.

Filifos 2:14

Na balù tan i knayean di gamu, tooyu nimò na nang gamu sugak demen sdal,

1 Fiter 4:2

Taman mdà ani, tooyu fkah di nawayu mimen knayè Dwata kloyu fa mnè di tah tanà, na nangyu nimen i sasè knayèyu.

1 Timoti 6:5

na là tlag i kasdal i dad to tamalmo fandamla, na talà dmilè i kaglut. Én man nawala di kafaglut di Dwata satu dalan gugamwèla bong knun.

1 Korintu 10:10

Na nang gamu fa mugak gablà di to blé Dwata du mebe gamu, salngad i nimò dademe dad gutambulito, du di bang én, dek Dwata kasaligan du mati dale.

Dyud 1:18

manla di gamu, “Di là fa kel gusen i banwe nun dad to kel madoy gamu, na én alòla lalò i sasè knayèla, ise knayè Dwata.”

2 Fiter 3:3

Funa, too mabtas ku gadèyu ku mdadong gusen i banwe, kel i dad to madoy. Lalòla i sasè knayèla, na nadoyla gamu,

1 Fiter 2:11

Dad flanekgu toogu kando, ani toogu man di gamu, du alò gamu flo mnè di tah tanà ani, na banwe ani ise glut gumnèyu. Nangyu nimen i sasè knayè i lawehyu, du ani gal sfati di lam nawayu.

Salmo 15:4

Toon knang i sasè to kmagol Dwata, bay toon nafè i to nun klikò di Amuito Dwata. Toon dnohò i dad tafakangan balù tan i kalima di kdohoan dun.

Dyud 1:15

du nukuman i kdee dad to, na fanlayaman i kdee là fulung mafè Dwata, du mdà di too sasè nimòla, na i too sasè gmanla di kduenla Dwata.”

1 Fiter 1:14

Na du gamu sa dad ngà Dwata, nimenyu kenen, na nangyu nimen i sasè knayèyu, salngad kimenyu di lamyu fa là gmadè kenen.

Galasya 5:16

Na toogu man di gamu, too gamu mimen i kalak Tulus Dwata, du fye là gamu mimen i sasè knayè i lawehyu.

Dyan 6:61

Balù landè tmulen, gadè Dyisas too nugak i dad mlalò kenen i tdoan gine, taman manan di dale, “Ani kè gumdàyu tmagak i klalòyu deg?

2 Timoti 4:3

Mangu ani, du kel kadang satu duh i bang là flinge i dad to i glut tdò, bay lalòla i sasè knayèla. Na baling ale mngabal dee dad to tamdò i tdò kayèla fanlinge.

1 Tésalonika 4:5

ise fagu di sasè knayè lawehyu, du ani nimò dad to là gmadè Dwata.

Galasya 5:24

Na kdee dad to nfun Krayst Dyisas, taflangsangla di krus i kimenla i sasè knayè lawehla.

Dyan 6:41

Kaklinge i dad Dyu i gman Dyisas, “Agu i glut knaan mdà di langit,” too ale mugak.

I Fye Tulen gablà ku Dyisas Krayst i Sulat Luk 19:7

Kabay i dad to mite i nimò Dyisas, too ale sungag, manla, “Tay, tlang kenen di gumnè i to too gamsalà!”

I Fye Tulen gablà ku Dyisas Krayst i Sulat Luk 15:2

Kabay i dad Farisi na i dad to gal tamdò i dad flalò Dwata, too ale mugak, manla, “I to ani, dnawatan i dad to gamsalà na kmaan kenen di safédla!”

I Fye Tulen gablà ku Dyisas Krayst i Sulat Luk 5:30

Na nun dad Farisi na dademe di dale gal tamdò i dad flalò blé Dwata fagu di ku Mosis salu di dad mlalò ku Dyisas du mugak, manla, “Kan ku kmaan gamu na minum di saféd i dad gal mwè bayad buhis na i dademe to gamsalà?”

Dad Fngewe 28:21

Là fye ku i to gal mukum ku nun nsenan, bay nun dademe dad mukum mimò sasè, du fye nun gwèla balù alò tukay.