Dyona 3:10 - Blaan Sarangani

¹⁰ Na di kite Dwata i Amu i nimòla na i ktagakla i dad sasè ldamla, tanlasan i fandaman na laan fnadlug i gmanan gablà di kafalmon dale.

Dyona 3:10 Referans Kwoze

I Fye Tulen gablà ku Dyisas Krayst i Sulat Luk 15:20

“Taman mdà kenen mulê di maan. Kabay di mawag fa kenen, teen i maan, na toon kenen kando. Na faflal kenen sadlu smitong i tingaan, na lkafan na nalakan.

I Fye Tulen gablà ku Dyisas Krayst i Sulat Luk 11:32

Na di Duh Kukum, lê tadag i dad to mdà di banwe Ninibi du dmalam gamu du i nimòla di muna fa i satu gugmadè na gamu gablà fanlayam, du di kaklingela tdò Dyona di dale, msal ale di sasè nimòla, bay i tamdò gamu ani, mdatah fa di ku Dyona, bay là gamu msal.”

Éksodus 32:14

Taman, tanlas Dwata i Amu i fandaman, na laan fnadlug falmo i dad ton.

Dyona 4:2

Taman, dmasal kenen, manan, “E Dwata i Amu, mangu di làgu fa mdà di banwegu, ani i klikògu di ge ku matlas i fandamam. Én duen agu mayè mila ditù di Sfén, du gadègu too ge fye, na là mgili i kakdom, na nun ktahà i nawam, na too mula katlasam i fandamam di kafalmom i dad to.

Dyona 4:11

Kabay mdatah fa di walad i kakdogu i dad to di banwe Ninibi, du nun mlukas mlatu lwe falò libu dad ngà i là mimò sasè, na nun fa dad lmanaf. Taman làgu falmo dun.”

Dad Fngewe 28:13

Landè gufye i to gal muni i dad salaan, bay i to tmulen i dad salaan di Dwata na tnagakan, nlifet Dwata i salaan.