Dyona 2:7 - Blaan Sarangani

⁷ Di klandè imen nawagu ku mto agu, gafaldamgu ge, Amugu na too agu dmasal di ge, na ditù di Bong Gumneam talingem agu.

Dyona 2:7 Referans Kwoze

Salmo 11:4

Knean ditù Amugu Dwata di kenen gumnè di langit; sudeng kenen di gusudeng i magot kdee; na toon neye dad to di tah tanà, na teenan i kdee nimòla.

Salmo 27:13

Kabay toogu fa fnaglut falwà agu i Amugu Dwata, du fye teengu i bong kafyen di deg dini di tah tanà ani.

Salmo 65:4

Too nun kafye di gami i dad to tanalékam na fdadongam du fneam di gustifun dad to mangamfù di ge! Na i too gafnò nawami i kdee kafye di Bong Gumneam.

Hibru 12:3

Na tooyu fandam i kablat kaflayam gnagu Dyisas, na i kiboan tmayud i knang kenen i dad to sasè, du fye gamtayud gamu di nun mnang nawa gamu, na là gamu mlungay di kafaglutyu.

Dyona 2:4

Man nawagu tafalwaam agu di munam, na talàgu lêman teen i Bong Gumneam.

Salmo 43:5

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”

Salmo 42:11

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig di Dwata, na lêman agu dmayen kenen, du kenen i falwà deg, na kenen i Dwatagu.”

Salmo 42:5

Na mangu di ktogu, “Kan ku too agu mlidù? Na kan ku too msamuk i nawagu? Én fye nimògu, smalig agu di Dwata, na lêman agu dmayen kenen du kenen i falwà deg, na kenen i Dwatagu.”

Salmo 22:14

Taman too tì landè gal i lawehgu di klikògu, salngad di yéél mkok di tanà, tì landè sa. Lyalogu i dad tulangu mti mkah di gusagotla, na lêman i kafalyalogu i ktogu sadi mtunal di klikògu gambet i talu mtunal.