Dyénésis 7:23 - Blaan Sarangani

²³ Falmo Dwata kdee dad to, na i kdee bung dad lmanaf, na i dad anuk di bnas. Alò Nowa i mto na dad magin kenen di lam i aweng.

Dyénésis 7:23 Referans Kwoze

2 Fiter 2:5

Salngad én i dad to di klamang banwe di muna fa, di bang Nowa, là fbayà Dwata i dad salàla, du fanlayaman ale fagu di bong dunuk, na gakuf i kdee dad to mimò sasè. Én alò falwaan, Nowa, i tamdò matlu nimò, na fitu dademe.

1 Fiter 3:20

Na ani layef i dad to di muna là mimen Dwata balù fantahaan nawan fatan i ksalla di klo Nowa mimò i aweng. Kabay là dee, alò walu dad to fusuk di aweng na galwà di dunuk mlimun i klamang tanà.

Hibru 11:7

Na Nowa, mdà di kafaglutan flinge kenen ku tan fgadè Dwata di kenen gablà di fan kel. Na mimen kenen Dwata na mimò i bong aweng, du én gugalwaan na dad malayan di bong dunuk. Fagu di kafaglutan fiten di kdee dad to là faglut too ale gablà dmawat i kalmola blé Dwata dale. Na mbaling matlu Nowa di kite Dwata du mdà di kafaglutan.

2 Fiter 3:6

Na lêman fagu di yéél fdunukan i tanà, du di bang én falmon kdee dad to di tah tanà.

Matyu 25:46

“Na i dad to én, ditù gusalula di gumaflayamla landè sen, bay i dad to matlu banlé ale nawa landè sen.”

2 Fiter 2:9

Taman too fulung Dwata falwà i dad to mlalò kenen mdà di dad tilew, na lê kenen fulung makus na mlayam i dad to mimò sasè kel di Duh Kukum.

Dad Fngewe 11:4

I dad knunam landè gukmamum di kakel i duh kfatim, bay i katlum, i gafalwà ge di sasè kfati.

Salmo 91:1

Balù simto mnè di ifat Dwata Too Mdatah, kanlung sa, du Dwata i Too Mtulus.

Salmo 91:7

Balù kel i bong gaslok na mlibu to mati mdadong di ge, na balù sfalò libu to mati di glibutam, là mkel di ge i sasè gaslok én.

Dyénésis 6:17

Na fdunukgu kadang i klamang tanà, du fye kdee i mto malmo. Kdee di tah tanà ani sdulê mati.

Dyénésis 8:18

Taman lamwà Nowa di aweng, gagin kenen i dad malayan.