Dyénésis 6:8 - Blaan Sarangani

⁸ Kabay too lehew Dwata ku Nowa.

Dyénésis 6:8 Referans Kwoze

Dyénésis 19:19

Balù too bong kagtabengyu deg, du fye là agu mati, baling agu mati. Là agu gmagan mila ditù di dad bulul, du too mawag.

Hibru 4:16

Taman du tanun mdatah baito di Dwata, nang ito gdè salu di kenen fagu di kdasalito du dnawatan ito. Hae, toon ito kando na tnabengan ito ku nun tilew gito.

I Fye Tulen gablà ku Dyisas Krayst i Sulat Luk 1:30

Na man i kasaligan di kenen, “Nang ge likò Méri, du too ge banlé Dwata kafye,

Salmo 84:11

du Amugu Dwata lamwa fandam i dad to na kamlung dale, na kenen mlé kafye na kdatah. Landè kafye klenan di dad to matlu nimòla.

Titus 2:11

Na tafite Dwata i kafyen, i gafalwà kdee sahal dad to di kaflayam landè gusenan.

1 Korintu 15:10

Kabay ani, ku nun teenyu fye di deg, ise mdà di deg kto, bay mdà di bong kafye blé Dwata deg. Na mdà di kafyen deg, tanun nan gagangu nimò. Na di kdee dademe gal dek Dyisas, landè di dale too fgal mimò salngad i deg kimò di kenen, bay ise ku mdà di deg gnagan, bay mdà di bong kafye blé Dwata deg.

Dad Fngewe 3:4

Ku ani nimoam, toom gaflehew Dwata, na nun dengegam di dad to.

Roma 4:4

Kaflingengu dun, i to tnaden, i taden gwean ise ku tatì blé kenen, bay ulê i nimoan.

Dad Nimò 7:46

Na Dabid, too banlé Dwata kafye, na fnin di Dwata ku falohan kenen fdak i satu gumnè Dwata, i Dwata fnangamfù Dyékob.

Dad Fngewe 12:2

Kanlehew Dwata i to fye, bay i to falan fandam i sasè nimoan, nukum kenen Dwata.

2 Fiter 2:5

Salngad én i dad to di klamang banwe di muna fa, di bang Nowa, là fbayà Dwata i dad salàla, du fanlayaman ale fagu di bong dunuk, na gakuf i kdee dad to mimò sasè. Én alò falwaan, Nowa, i tamdò matlu nimò, na fitu dademe.

Dad Fngewe 8:35

Du i to mite deg too mlawil, na kanlehew kenen Dwata.

2 Timoti 1:18

Tagadeam i kalbong ktabengan deg di muna di banwe Ifisus. Na kayègu moon ku Amuta Dwata too kamdo kenen di Duh Kukuman.

Galasya 1:15

Kabay balù ani nimògu, mdà di kafye Dwata di deg, tamgalékan agu di là agu fa sut, mbaling agu satu saligan. Na di kakel i bang kayean,

Roma 11:6

Ku nalék Dwata i dad to fagu di fye nimòla, ise sa mdà di kakdon i kalékan dale. Kabay laan ito nalék fagu di nimoito fye ku demen sasè, bay nalékan mdà di kakdon gito.

Titus 3:7

du fye mdà di kafye Dwata, matlu ito di kiten, du fye gfunito nawa landè sen i tooito sanfatan.

Matyu 24:37

I kagkah i dad to di kasfulê i dnagit Tingà To, salngad i kagkah dad to di bang Nowa,

I Fye Tulen gablà ku Dyisas Krayst i Sulat Luk 17:26

“I kagkah i dad to di kasfulê i dnagit Tingà To, salngad i kagkah dad to di bang Nowa.

1 Fiter 3:20

Na ani layef i dad to di muna là mimen Dwata balù fantahaan nawan fatan i ksalla di klo Nowa mimò i aweng. Kabay là dee, alò walu dad to fusuk di aweng na galwà di dunuk mlimun i klamang tanà.