Dyénésis 48:19 - Blaan Sarangani

¹⁹ Kabay là nagin maan i knayean, na manan, “Ngàgu, gadègu sa. I dad bel Manasas mbaling dee, bay i dad bel Ifraim, i twalin, mdatah fa di kenen, na i dad belan mgimò kadang dee sahal bung dad to too mlabung.”

Dyénésis 48:19 Referans Kwoze

Dyénésis 25:28

Na bong nawa Isaak ku Isaw, du too mayè kmaan i dad lmanaf di bnas i gwè Isaw. Kabay bong nawa Rébéka baling ku Dyékob.

Tafite 7:8

mdà di lumbuk Sabulun, sfalò lwe libu i nun ilè, mdà di lumbuk Dyosif, sfalò lwe libu i nun ilè, na mdà di lumbuk Bénhamin, sfalò lwe libu i nun ilè.

Tafite 7:6

mdà di lumbuk Asher, sfalò lwe libu i nun ilè, mdà di lumbuk Naftali, sfalò lwe libu i nun ilè, mdà di lumbuk Manasas, sfalò lwe libu i nun ilè,

Dyénésis 48:14

Kabay Dyékob balingan santaday i sigalan, taman i kmalan gsen di kwanan i agotan di tah ulu Ifraim, balù kenen i twali, na i ibengan di tah ulu Manasas, balù kenen i twege.

Dyénésis 17:4

“Ani i fakanggu ge, nimòta ge mà i dee bung dad to.

Dyénésis 28:14

Dee kadang i belam salngad i kfung di tanà du là gse. Na satu duh mbel gamu ditù di gusut i duh, na di gusdaf i duh, ditù di gufdu i sabnal, na ditù di gufdu i balat. Na fagu di ge, na i dad belam blégu kafye di kdee dad to di klamang banwe.

Dyénésis 46:3

Na man Dwata, “Agu i Dwata, i Dwata i maam. Na nang ge likò salu di Idyif, du ditù kadang toogu fbel gamu, na gamu mgimò kadang i satu bung dad to too mlabung.

Dyénésis 48:18

Na manan di maan, “Mà, ise én, du ani i twege. Kenen ulu gumkaham i kwananam.”

Dyénésis 25:23

Na man Dwata i Amu di kenen, “Fingin i dad ngaam, na mbaling ale kadang gutambul lwe bung dad to. Na dad lwe bung to ani, là satu nawala, sduen ale, taman stani ale. Na kadang satu duh, i satu bung dad to ani nun enegla mdatah fa di eneg i satu, na i tingaam twege glifan kadang di twalin.”