Dyénésis 48:16 - Blaan Sarangani

¹⁶ Ge i kasaligan i falwà dagu mdà di kdee dad fsasè dagu, taman kayègu ku lê ge mlé moon kafye di dad sawang lagi ani. Na kayègu ku i dagitgu na i dagit i fùgu Abraham na i màgu Isaak too magdengeg mdà di dad fùgu ani. Na lêgu kayè ku toom ale fbel di tah tanà ani.”

Dyénésis 48:16 Referans Kwoze

Salmo 34:22

I Amuito Dwata i msò dad saligan di agot i fati, na laan nukum di salà i dad to smalig di kenen.

Dyénésis 48:5

Na i lwe tingaam lagi i sut dini di Idyif di là agu fa salu dini, fakufgu ale di dad ngàgu. Hae, Ifraim na Manasas fasngadgu i dad ngàgu lagi, na kalnawagu dale salngad i too glut dad ngàgu lagi gambet ku Rubén na Simyon.

2 Timoti 4:18

Na gadègu i Amuta Dyisas lêman falwà deg mdà di kdee sasè, kel di keben deg di banwe nagotan di langit. Kenen too magdayen kel di landè sen. Amén.

Hibru 11:21

Na Dyékob, mdà di kafaglutan di fan mati, tulenan di lwe fuan lagi, i dad ngà Dyosif, nun kafye gdawatla kadang mdà di Dwata. Na di ktudan i tugadan kudung na mangamfù di Dwata.

Dad Nimò 15:17

Nimògu ani, du fye i kdee dademe dad to ise Dyu i tanalékgu du nfungu mayè ale mngabal deg.

Dyan 17:15

Na ise ku én fnigu ku nweam ale mdà di tah tanà, bay fnigu ku kanlungam ale mdà di ku Satanas.

Salmo 121:7

I Amuito Dwata smafang ge mdà di kdee sasè; kanlungan ge fye landè gaslokam.

Titus 2:14

Blé Dyisas i kton di fati tlas gito, du fye falwaan ito mdà di kdee salà, nlaneban ito, nimoan ito dad to nfunan, na banlén ito ayè mimò fye.

1 Korintu 10:9

Nangito tnilew Dwata, du én nimò i dad gutambulito, fadlug ale mimò sasè, na neyela ku fanlayam ale Dwata. Na fanlayaman ale du fakétan ale i ulad na mati ale.

1 Korintu 10:4

Na minum ale yéél fatbul Dwata mdà di bong batu. Du i batu ani i satu ilè samnagin Krayst dale.

Roma 8:23

Na là alò dmalong i kdee dademe mgimò Dwata, bay dmalong ito di kfatanito i duh én, gito dad tagamdawat Tulus Dwata, i ilè nun fa blé Dwata gito di fulé duh. Too ito fatan, du too ito mayè ku gdohò i duh kfite Dwata gito i mbaling dad ngaan, di ksikof kafalwà Dwata gito di kfalamin lawehito.

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

Salmo 34:7

I kasaligan Amugu Dwata munung i dad to nun klikò di Dwata, du fye falwaan ale di dad gamsasè dale.

Salmo 34:2

Làgu fdag i ktogu, bay én fdaggu i Amugu Dwata. Too gamu flinge kdeeyu dad to fanlayam, na too gamu flehew.

Éksodus 1:7

Kabay i dad bel Dyékob dnagit dad bel Israél, too mbel, na mgimò ale i bong lumbuk i dad to. Na i tanà gumilila déén di Idyif, mbaling too fnò i dad bella.

Dyénésis 32:28

Na man i to én, “Mdà ani ise ku Dyékob i katlo ge, bay Israél, du tasbunù ge Dwata na i dad to, na là ge gfisan.”

Dyénésis 22:11

Kabay di fanan kagu mati i tingaan, gasil tamlo kasaligan Dwata i Amu mdà di langit, manan, “E, Abraham, Abraham.” Tmimel Abraham, “Hae Amu, gani agu.”

Dyénésis 22:15

Na lêman tamlo kasaligan Dwata i Amu, ku Abraham, mdà di langit,

Dyénésis 46:3

Na man Dwata, “Agu i Dwata, i Dwata i maam. Na nang ge likò salu di Idyif, du ditù kadang toogu fbel gamu, na gamu mgimò kadang i satu bung dad to too mlabung.

Salmo 34:8

Taman tilewyu du fye teenyu sa i kafye Amuito Dwata! Too nun klehew i to glidung di Dwata.