Dyénésis 47:23 - Blaan Sarangani

²³ Na man Dyosif di dad to, “Du tabnayadgu gamu na i dad tanàyu di harì, blégu gamu i bnê flayu.

Dyénésis 47:23 Referans Kwoze

2 Korintu 9:10

Dwata i gmagan mlé i bnê di to mla, na knaan du fye gamkaan kenen, gablén fa di gamu na tananuan i kalbong bnêyu na falnokan, du fye nun bong uléan, mdà di fye nimòyu di demeyu to.

Matyu 24:45

Na man Dyisas, “Simto i salig too gsalig na too fulung? Dunan i salig gufagot i amun i dademe dad saligan, du fye nalelan dale i knaanla ku tabang kablé dun.

Dad Fngewe 13:23

I tanà magligo gamlé gablà knaan i dad to landè, bay dad to là matlu, làla faloh fafla.

Dad Fngewe 12:11

I to too malgad mimò fule nun lukas i knaanan, bay i to mlalò i dad nimò landè gukmamu, landè kaglabatan.

Dad Fngewe 11:26

Mnang nawa dad to i satu to fatan di kagket i btas mse klon fafabli dun, bay dagla i to fadlug fabli.

Dyénésis 45:6

Hae, du tlabo galwe fali i kbitil ani, na nun fa lime fali landè ulê i dad fla.

Dyénésis 41:27

Na i fitu baka lahan gamtadol i fitu baka mabù, na i dad fitu tlanga i fali kufas, mdà di kgal na kinit i nus, fdu di banwe gulandè to, i gumtatekan fitu fali bong bitil.

Dyénésis 47:22

Kabay i tanà nfun i dad mebe i dad to mangamfù di duh di Idyif, là bnayad Dyosif. Làla blé i dale tanà, du gal ale nifat Faraon du galan ale banlé filak.

Dyénésis 47:24

Ku gafat kadang i faliyu, sansalelyu di lime na satu kene harì, na di fat alel gamu sa mfun dun, du gumwèyu bnê lêyu fla, na i dademe knaanyu na lê knaan i dad malayyu.”