Dyénésis 47:19 - Blaan Sarangani

¹⁹ Tabyà kandom gami na tnabengam, du fan gami mati malnus, na fan malmo i tanàmi. Begam bnayad fali i lawehmi na i tanàmi. Du tatì gami nan beg flifan di harì, na kenen nan mfun i tanàmi. Banlém gami fali, du fye là gami beg mati, na léam gami banlé bnê flami, du fye i tanàmi là malmo.”

Dyénésis 47:19 Referans Kwoze

Matyu 16:26

Balù gfun satu to i kdee fye dini tah tanà, tan i gufyen ku baling lana di kenen i nawa landè sen? Landè, du landè fakayan blé du fye gbawian i nawan landè sen.

Dyénésis 47:15

Na di takti i filak i dad to di Idyif na Kanaan, salu i dad to di Idyif di ku Dyosif, na manla di kenen, “Begam gami banlé fali, du fan gami mati malnus. Tnabengam gami, du landè nan beg filakmi.”

Dyénésis 47:18

Kabay di tmadol fali, lêman ale salu di ku Dyosif, na manla, “Amu, làmi buni dun di ge i tatoo mti nan beg i filakmi, na dad lmanafmi, du tage sa i mfun. Taman, talandè nan fakaymi blé di ge galwà alò i lawehmi na tanàmi.

Dyénésis 47:20

Kafnge én, bnayad Dyosif i kdee tanà di Idyif kene harì. Kdee i dad to di Idyif bléla i tanàla, du too sasè i kbitil, taman i kdee tanà déén tanfun i harì.

Dyénésis 41:36

Na i dad busekla atù, i knaan i dad to di kakel i fitu fali kbitil dini di banwe Idyif, du fye là mati i dad to mdà di kalnusla.”