Dyénésis 47:12 - Blaan Sarangani

¹² Na banlé Dyosif knaan i maan na dad flanekan, na i dad kdee dad malay i maan, gakuf i kdee dad ngàla.

Dyénésis 47:12 Referans Kwoze

Dyénésis 45:11

Na agu sa mifat gamu ku dini gamu di Gosén. Du nun fa lime fali gdè kbitil ani, na kayègu ku dini ge mdadong di safédgu, du fye ge, na dad malayam, na i dad lmanafam là mati di kalnus.’ Ani i manyu kadang di ku Mà.”

1 Timoti 5:8

Kabay ku nun to faglut là mifat i dad gakedan lumban i dad mnè di safédan, i to ani takmagol i kafaglutan di ku Dyisas Krayst, na too mdatah fa i ksasean di dad to i là faglut.

1 Timoti 5:4

Kabay ku nun dad ngaan demen dad fuan, ale sa funa gambet i kibòla mafè na tmabeng i dad malayla. Fye ku gambalas ale i dad tuala na i dad fùla, du ani kanlehew Dwata.

1 Timoti 4:8

Nun gukmamu kafgal i laweh, bay too nun fa gukmamu kafgal i kafaglutam di Dwata, du bong ktabengan di kneam dini di tah tanà na ditù kadang di langit.

1 Tésalonika 2:7

Du gami i dad to dek Krayst, fakay gami mni di gamu, bay ise én nimòmi di knèmi di gamu, bay toomi gamu fanse, du nifatmi gamu salngad kifat satu yê i dad ngaan.

Ruth 4:15

Flehewan ge na nifatan ge di ktuam, du kenen i tingà i tewem libun i too mbong nawa ge. Na i kakdon ge, mdatah fa di fitu tingà lagi.” Ani man i dad libun di ku Naomi.

Éksodus 20:12

Tooyu nafè i màyu na yêyu, fye mlawil gamu dini di banwe blé di gamu.

Dyénésis 47:24

Ku gafat kadang i faliyu, sansalelyu di lime na satu kene harì, na di fat alel gamu sa mfun dun, du gumwèyu bnê lêyu fla, na i dademe knaanyu na lê knaan i dad malayyu.”

Dyénésis 47:21

Na i dad to di klamang banwe Idyif, salig nan Dyosif di harì, du mbaling ale dad lifanan.

Dyénésis 47:1

Kafnge én, fagin Dyosif lime di dad flanekan, na salu ale ditù di harì. Man Dyosif di kenen, “Takel nan i màgu na dad flanekgu mdà di Kanaan, gagin di dale dad bilibilila na dademe dad lmanafla na i kdee dad nfunla. Na déén ale nan di Gosén.” Kagmanan ani, neben i dad lime flanekan di muna i harì.

Dyénésis 50:21

Taman nang gamu likò. Nifatta gamu na i dad ngàyu.” Na ani kfagu Dyosif i taluan, du nlalan na flehewan i nawa i dad flanekan lagi.

Dyénésis 45:7

Dwata sa febe deg muna dini, na too bong tabengan gamu, du kayean ku là gamu mati malnus, du fye fadlug ito fa mbel di tah tanà.

Dyénésis 45:10

Fnèta ge dini di banwe Gosén, du fye kdeeyu mdadong di deg, balù ge, dad ngaam, na i dad fuam, na i dad kambingam, i dad bilibilim, i dad bakam, na i kdee nfunam.