Dyénésis 46:4 - Blaan Sarangani

⁴ Naginta ge salu ditù di Idyif, na kafnge én, nebegu i dad belam samfulê di banwe Kanaan. Na kadang di kfatim déén Dyosif di safédam.” Én gman Dwata di ku Dyékob.

Dyénésis 46:4 Referans Kwoze

Éksodus 3:8

Taman fdanà agu salu dini, du falwàgu ale di falel i dad to Idyif, na mebe dale ditù di satu too fye na too mabal tanà. Nebegu ale di banwe nun too mabù tanà. Di bang ani i banwe ani nanè i dad to di Kanaan, dad to Hiti, dad to Amori, dad to Férisi, dad to Hibiti, na dad to Dyébusi.

Dyénésis 50:1

Di kfati Dyékob, lkaf Dyosif i maan, na nalakan na mngel kenen.

Dyénésis 48:21

Di kdasalan, man Dyékob di ku Dyosif, “Tò, tamdadong nan i duh i kfatigu, bay fadlug Dwata samnagin ge, na fasfuléan i dad belta kadang satu duh di banwe i gumnè i dad gutambulta.

Dyénésis 28:15

Na samnagin agu ge, na nifatta ge, balù nè i gusalum. Na fasfulêta ge dini di tanà ani. Làta ge tnagak kel di kagdohò i fakanggu di ge ani.”

Dyénésis 50:5

‘Di kagu màgu mati, fakanggu di kenen lbanggu kenen ditù di gulambang tafalan fatlagad aye di Kanaan. Taman, ku fakay di ge moon, salu agu ditù du lambang agu ku Mà, na lê agu sa samfulê dini.’ ”

Dyénésis 50:13

Hae, du nebela i lawehan di tanà ditù di Kanaan, na lbangla di ilib di Makféla i banwe mdadong di Mamri gsen di gusut i duh. Na ilib na tanà ani bnayad Abraham mdà di ku Ifron, to di Hiti, du nimoan gal gulambang.

Éksodus 3:17

Too ale maflayam, taman ani i fakanggu dale, falwàgu ale mdà di kaglifanla di Idyif. Na nebegu ale di banwe nun too mabù tanà, ditù di banwe nanè i dad to Kanaan, dad to Hiti, dad to Amori, dad to Férisi, dad to Hibiti, na dad to Dyébusi.”