Dyénésis 42:23 - Blaan Sarangani

²³ Na glabat Dyosif i kdee kastulenla ani gine, bay làla gadè dun, du nun to mubad i talùla Hibru di ku Dyosif, na lê nun mubad i taluan, i talù dad to di Idyif di dale.

Dyénésis 42:23 Referans Kwoze

2 Korintu 5:20

Taman gami sa i salig dek Krayst Dyisas, du fagu di gami too fakdo Dwata di gamu. Taman fakdo gami di gamu sadi dini Krayst, na beg gamu safye di Dwata.

Dyénésis 11:7

Taman salu agu ditù na sansahalgu i talùla, du fye nun dee sahal talù, du fye là ale saglabat.”

Dyénésis 42:22

Na man Rubén, “Mangu gamu di muna, nangyu fatduk, bay làyu agu fanlinge. Taman ani i duenan nun kaflayamito, du mdà di kfatin.”

Dyénésis 42:24

Kafnge én, tnagakan ale du fan mngel, mdà di bong klidù nawan. Na di kagtaluan lêman, samfulê di dale. Nalék Dyosif Simyon ftagak di bilanggù, na fbakusan di muna i kdeela.

Dyénésis 45:12

Na fadlug talù Dyosif di dale, manan. “Na i kdeeyu dad twegegu, na lê ge Bénhamin, tateenyu agu, na tadilèyu agu sa Dyosif i talù di gamu.