Dyénésis 42:21 - Blaan Sarangani

²¹ Kafnge én, stulen i saflanek, manla, “Ani kè i balas di gito di mgimoito di flanekito Dyosif. Du di kafakdon na di kafnin di gito tabeng, na balù teen ito i kaflayaman, là ito flinge. Ani duenan nun kaflayam ani kel di gito.”

Dyénésis 42:21 Referans Kwoze

1 Dyan 1:9

Kabay ku msal ito na tulenito dad salaito di Dwata, nlifetan dad salaito, na naloban i gusaseito, du too gsalig Dwata na too tlu.

Dyém 2:13

Du di kukum Dwata, landè kakdon i to là kamdo i demen to. Kabay i to too kamdo i demen to landè klikoan di kukum Dwata.

Dad Nimò 19:18

Na dee di dad to tafaglut di ku Dyisas tmulen di muna i dademela i dad sasè tamgimòla.

I Fye Tulen gablà ku Dyisas Krayst i Sulat Luk 16:28

du nun lime dad flanekgu lagi ditù. Fye ku began ale fanngewe du fye là ale gsalu di banwe gumaflayam ani.’

Mark 9:48

du ditù landè gumati dad safat, na landè gumati i lifoh.

Matyu 7:2

Ku tan i ukumyu demeyu to salngad i ukum Dwata gamu, na ku tan kablat ukumyu i demeyu to salngad kablat ukum Dwata gamu.

Dad Fngewe 28:17

I to manò i demen to, too msamuk i nawan, na tatì mimò i kalmon, na tatiam kenen faloh.

Dad Fngewe 21:13

Ku nun to là flinge i kafakdo i dad to landè, di satu duh, ku kenen i fakdo landè flinge kenen.

Dyénésis 41:9

Kafnge én, man i to gal mebe i binu ku Faraon, manan, “Amu, ani gafaldamgu gablà di salàgu di muna.

Dyénésis 45:3

Na man Dyosif di dad flanekan, “Agu sa Dyosif i flanekyu! Too glut kè mto fa Mà?” Kabay di kaklinge i dad flanekan ani, làla gtimel Dyosif, du too sasè klikòla.

Dyénésis 50:15

Na du tamati nan Dyékob, stulen i dad flanek Dyosif, manla, “Fadê ken nun fa ksasè fandam Dyosif gito, na ani ken malas gito du mdà di sasè mgimoito di kenen di muna.”

Dyénésis 44:16

Na Dyuda tmimel, manan, “Landè kibòmi msen i ktomi, taman landè fakaymi man di ge, du tafite Dwata too nun salàmi. Kdeemi ani, i lifanam nan, là alò twalimi, i gumite i tabuam.”