Dyénésis 4:26 - Blaan Sarangani

²⁶ Kafnge én, gamwè yaan Sét na mngà ale lagi, na dnagitan ku Inos. Na di bang ani, tambù i dad to dmasal na mangamfù di Dwata.

Dyénésis 4:26 Referans Kwoze

Salmo 116:17

Na nun kadang blégu dsù i kablé fye di ge, na dmasal agu fagu di dagitam, Amugu Dwata.

Dyénésis 12:8

Mdà déén, fadlug ale Abram salu di dad bulul gsen di gusut i duh mdadong di banwe Bétél, du mlawig di gutngà i banwe Bétél na banwe Ay. I banwe Bétél i gsen di gusdaf i duh, na i banwe Ay i gsen di gusut i duh. Na déén lêmanan nimò i gudamsù di Dwata i Amu, na mangamfù kenen di Dwata.

I Fye Tulen gablà ku Dyisas Krayst i Sulat Luk 3:38

i tingà Inos, i tingà Sét, i tingà Adam, i tingà Dwata.

1 Korintu 1:2

Na snulatmi gamu dad faglut di Dwata déén di banwe Korintu, gamu tambaling dad ton, mdà di ksasatuyu ku Dyisas Krayst. Tanalékan gamu makuf di dademe dad faglut di kdee banwe, i mangamfù di Amuito Dyisas Krayst, du Dyisas Krayst i Amula.

Roma 10:13

Du nun gman di Tnalù Dwata, manan, “Simto mni tabeng di ku Krayst i Amu, galwà kenen di flayam Dwata i dad to.”

Dad Nimò 11:26

Na di kiten ku Sol, faginan samfulê di Antiyok. Na sfali i klola mnè déén. Na gal ale magin di kastifun i dad to faglut, na dee dad to tdòla. Na di banwe Antiyok ani, i tnanin banwe gudmagitla i dad to mlalò ku Dyisas Krayst dunan dad Kristiyano.

Dad Nimò 2:21

Na di duh én kadang, balù simto mni tabeng di Dwata i Amu, galwà ale.’ ” Én man Dwata fagu di ku Dyol.