Dyénésis 39:4 - Blaan Sarangani

⁴ Taman too lehew Fotifar kenen, na nimoan kenen lifanan gal tmabeng kenen. Nimoan kenen to gusmaligan i kdee dad to di gumnean na i kdee dad nfunan.

Dyénésis 39:4 Referans Kwoze

Dad Nimò 20:28

Na tooyu neye i ktoyu, na i kdee dad faglut i tasalig i Mtiu Tulus di gamu du salngad ale dad bilibili. Na tooyu nifat i dad to fbaling Dwata dad ton fagu di kfati i Tingaan Dyisas.

Dad Fngewe 27:18

I to mifat i kayu nun bunge, gamkaan sa i bungen, na salngad i satu salig mifat i amun, du gamdawat sa bunge i nimoan.

Dyénésis 39:8

Kabay là mayè Dyosif, na tnimelan, manan, “Landè dademe fandam i amugu, du deg sa i lifanan. Na i kdee nfunan tagsaligan di deg.

Dyénésis 24:2

Na di satu duh, fngé Abraham i ulu di kdee saligan, na kenen i gusmaligan i kdee nfunan, na manan di kenen, “Fkaham i kmalam di dungan i fuadgu, du ilè fye gadègu toom dnohò i flalògu ge ani.

Dyénésis 19:19

Balù too bong kagtabengyu deg, du fye là agu mati, baling agu mati. Là agu gmagan mila ditù di dad bulul, du too mawag.

Dad Fngewe 22:29

Man, teenyu i to too fulung mimò i nimoan? Mbaling kenen mdengeg na ise ku di mdanà to i gumimoan, bay di harì fakayan gumimò.”

Dad Fngewe 17:2

I salig fulung faldam, kenen kadang magot tingà i amun i landè gukmamu, na nun kadang alelan di knun tagak i amun di dad ngaan di kfatin.

Dad Fngewe 16:7

Di kimò i to i nimò gaflehew Dwata, én i smafye kenen di dad to balù dad dmuen kenen.

Dyénésis 33:10

Man Dyékob, “Là, ku kandom agu dnawatam i bléta ge. I kagdawatam deg gine, sadi gambet i kagdawat Dwata deg, du too ge lehew baling smite deg.

Dyénésis 18:3

Na man Abraham di dale, manan “Lew, beg gamu slob. Nang gamu fadlug, du gani agu na tmabeng agu gamu.

Dad Fngewe 14:35

Too lehew i harì i saligan fulung faldam, bay fanlayaman i saligan mimò magagyà nimò.

Dyénésis 33:8

Na lêman smalek Isaw, manan. “Gsitonggu gine too dee dad lmanaf, i tan i gukmamum dun?” Tmimel Dyékob, “Flanekgu, blégu ge du fye ken kandom agu, na too ge lehew moon smite deg.”

Dyénésis 32:5

Sadni too dee dad bakagu, dad dongki, dad bilibili, na dad kambing, na nun fa dee dad lifangu. Na fgadègu di ge kdee ani i flanekgu, du fye kandom agu na too ge lehew moon smite deg.’ ”

Dyénésis 15:2

Kabay tmimel Abram, manan, “Dwata i Amu, i Magot i Kdee, landè gablém di deg i too gaflehew deg, du kel i ani landè fa tingàgu. Na di kfatigu, Élisar i to mdà di banwe Damaskus baling i mfun i kdee nfungu.

Ruth 2:6

Tmimel i ulu, manan, “Dunan i libun mdà di banwe Moab magin ku Naomi.

Dad Fngewe 3:4

Ku ani nimoam, toom gaflehew Dwata, na nun dengegam di dad to.