Dyénésis 39:21 - Blaan Sarangani

²¹ là tlag kasnagin Dwata i Amu di kenen, na i kakdon landè kgilin fiten ku Dyosif, du balù i to gal munung i bilanggù too lehew ku Dyosif.

Dyénésis 39:21 Referans Kwoze

Éksodus 3:21

“Mimò agu kfagu, fye nafè gamu i dad to Idyif, du fye di kalwàyu nun bléla gamu, du fye là gamu magu i landè gebeyu.

1 Fiter 3:17

Du fye fa ku mdà di knayè Dwata maflayam gamu mdà di fye nimòyu, ise ku mdà di kimòyu sasè.

Éksodus 12:36

Tafkah Dwata i Amu, di nawa i dad to Idyif i kafèla i dad bel Israél, na taman bléla i dad fnila di dale. Na ani i kfagu i dad bel Israél gamgebe i dad knun i dad to Idyif.

Salmo 105:19

Ani i dad ktandak Amuito Dwata ku Dyosif, kel di bang Dwata too dmohò i kubad Dyosif i dad kna.

Éksodus 11:3

Dwata i Amu tamimò i kfagu, fye nafè dad bel Israél i dad to Idyif. Na Mosis too mdengeg di kite i dad ganlal Faraon na di kite i dad to Idyif.

Dyénésis 39:2

Kabay Dwata i Amu, samnagin ku Dyosif, na i kdee nimoan slame fye. Na mnè kenen di gumnè i amun, Fotifar, to mdà di Idyif, du nlifan déén.

Dad Fngewe 16:7

Di kimò i to i nimò gaflehew Dwata, én i smafye kenen di dad to balù dad dmuen kenen.

Dyénésis 40:3

Taman fbilangguan ale ditù di gumnè i ulu di dad to gal munung déén di gumilanggù ku Dyosif.

Roma 8:37

Balù glam ito di kdee kaflayam én, laito fisan, bay gamtayud ito fagu di kgal i tulus Krayst Dyisas, i kamdo gito.

Salmo 105:22

Nun glal Dyosif mdek i dad ganlal di banwe nagot i harì, na tamdò i dad tua gal mebe, fye nun kfulungla mebe.

Dyénésis 39:3

Na teen Fotifar samnagin Dwata i Amu ku Dyosif. Hae, du mdà di kasnagin i Dwata kenen, én duenan too fye kgimoan i kdee nimoan.

Dyénésis 39:4

Taman too lehew Fotifar kenen, na nimoan kenen lifanan gal tmabeng kenen. Nimoan kenen to gusmaligan i kdee dad to di gumnean na i kdee dad nfunan.