Dyénésis 39:14 - Blaan Sarangani

¹⁴ tlon i dad dademe lifan i mimò di gumnean, na manan di dale, “Neyeyu, i to Hibru tanebe i yaangu dini, fyaan gami. Fusuk kenen di sibaygu gine, du kayean mimò i knayean di deg, bay mkit agu.

Dyénésis 39:14 Referans Kwoze

1 Fiter 2:20

Kabay ku gamtayud gamu di kaflayam mdà di dad sasè nimòyu là mlé Dwata gamu kafye. Kabay ku gamtayud gamu i kaflayam balù ku fye nimòyu, én sa gumlé Dwata gamu kafye.

I Fye Tulen gablà ku Dyisas Krayst i Sulat Luk 23:2

Kakella ditù, tanbùla dnalam Dyisas di salà, manla, “Tagnumahmi to ani di salà du fasyatan i dadememi Dyu, du manan là fakay ku mlé gami bayad buhis di ku Sisar, i gumdatahyu di banwe Roma, na manan, kenen Krayst, i Mgalék Dwata mgimò harìmi.”

Matyu 26:59

Na i dad ulu di dad bà di Dwata na i dademe ganlal gal mukum tastifun déén, mngabal ale kfagu fsalà ku Dyisas, balù là glut, gumdàla mati kenen.

Matyu 5:11

“Nun kafyeyu ku nadoy gamu i dad to, na fanlayam gamu, na ku dnalamla gamu di kdee bung sasè làyu nimò du mdà di ksasatuyu di deg.

Dad Fngewe 10:18

I to muni i knang nawan, én i to tmulen kakakéng, na i to samtugad salék, én i to là fulung faldam.

Dyénésis 40:15

Hae, du tì agu tangal mdà di mawag banwe i gumnèmi gami dad to Hibru, na balù landè mgimògu sasè dini, bay knean dini agu bnilanggù di banwe Idyif.”

Dyénésis 39:17

Na kakel i yaanan salngad i santulenan kenen, manan, “I lifan Hibru i tanebem dini, fusuk kenen di sibaygu, du kayean mimò sasè di deg.

Dyénésis 39:7

Taman là mlo, i yaan Fotifar mibal ku Dyosif, na manan kenen, “Sasatu ite milè.”

Dyénésis 14:13

Kabay kadì nun satu to galwà, na tnulenan Abram i Hibru, gablà di kdee ani gine. Du bang ani, mnè Abram mdadong di malbang dad kayu nfun Mamri, i satu to mdà di sbung to dnagit ku Amori. Na Mamri ani nun lwe flanekan lagi dnagit ku Éskol na Anér. Abram na i tlu ani gal ale stabeng.

2 Korintu 6:8

Na slaan nafè gami i dememi to, na slaan là, bay knean fnadlugmi i gami nimò di Dwata. Slaan dayen gami i dememi dad to, bay slaan tnifula gami. Nun mangman kun gami tmulen kakakéng, bay ise, du balingmi ale too tnulen i kaglut.

Dyénésis 39:13

Di kite yaan Fotifar i tnagak Dyosif i saulan na mila,

Dyénésis 39:15

Di kaklingen i kitgu, mila kenen na gtagakan i saulan ani.”