Dyénésis 39:10 - Blaan Sarangani

¹⁰ Na balù kat i duh too nlak yaan Fotifar Dyosif mimò knayè i lawehan, laan fanlinge, na laan nagin i knayè libun ani.

Dyénésis 39:10 Referans Kwoze

Dyénésis 39:8

Kabay là mayè Dyosif, na tnimelan, manan, “Landè dademe fandam i amugu, du deg sa i lifanan. Na i kdee nfunan tagsaligan di deg.

1 Fiter 2:11

Dad flanekgu toogu kando, ani toogu man di gamu, du alò gamu flo mnè di tah tanà ani, na banwe ani ise glut gumnèyu. Nangyu nimen i sasè knayè i lawehyu, du ani gal sfati di lam nawayu.

2 Timoti 2:22

Na Timoti, fawag ge di dad sasè knayeam di kfalami i nawam. Na too ge fgal mimò i tlu nimò, smalig ge di Dwata, kamdo demem to, na fadlug di ksasatu nawam di demem to, du ani nimò i kdee dad to dmasal di Amuito i dad to alò satu nawala mlalò kenen.

1 Tésalonika 5:22

bay fawag gamu di kdee bung sasè.

1 Korintu 15:33

Nang gamu faglut i gal man i dad to ani gine, du là glut ani. Kabay too tì glut i gman i satu kafngewe, manan, “Ku sgalak ge di to gal mimò sasè, balingam lalò kadang i ksasean.”

1 Korintu 6:18

Taman dad flanekgu, nang gamu samsatu i lawehyu di laweh i to ise yaanyu. I kdee salà nimò i dad to slame sasè, bay landè dademe salà gafsasè i laweh salngad ani. I to mimò ani, gamsalà kenen na gafalmon i lawehan.

Dad Fngewe 23:27

Fawag ge di libun mkat lagi, na di libun mlafà yaanan, du salngad ale i fawel, na nun dalanla mawel ge.

Dad Fngewe 22:14

I klafà yaan, salngad i fawel, na i dad to fanlabè Dwata, ale i mfawel.

Dad Fngewe 7:5

du én kamlung ge di boyo i libun mlafà i yaanan, na gafadnan ge di kladal taluan.

Dad Fngewe 5:8

Too gamu fawag di libun gambet ani, na nang gamu fdadong di gumnean,

Dad Fngewe 5:3

Na i kalak i libun mlafà yaanan, too mi salngad i tnab, na i taluan too mladal, salngad i fngalo,

Dad Fngewe 2:16

Na i too glut kfulung ani, fadnan ge di boyo i libun mkat lagi.

Dad Fngewe 1:15

Kabay tingàgu, nang ge magin dad to gambet ani, fawag ge di dale,

Dad Fngewe 9:16

na manan di dad to landè kaglabat, manan, “Gamu dad kulang kfulung, fusuk gamu.

Dad Fngewe 9:14

Déén gusudengan di bà takab i gumnean ku demen sudeng kenen di gugfan i banwe di gumite i dee dad to kenen,

Dad Fngewe 7:13

Na di kiten i lagi ani, lkafan, na nalakan, na too meye di kenen na manan,

1 Timoti 5:14

Taman fye fa ku i dad falami libun balu lêman mwè yaan na mngà, na mifat i malayla, du fye landè sasè gman i dad to dmuen gito.

Dyénésis 39:9

Sadi salngad i glalgu di kenen glal dini di gumnean ani. Na landè dini i klenan deg galwà ge, du ge sa i yaanan. Taman là agu mayè mimò i too sasè nimò, du là fakay ku gamsalà agu di Dwata.”

Dyénésis 39:11

Kabay di satu duh, fusuk Dyosif di lam i gumnè én, du mimò i nimoan, na gaslà i ndè dademe dad lifan déén.

Dad Fngewe 23:28

Dad libun gambet ani, salngad ale i dad to meye kfagu mlayam ge di dalanam, na dee dad lagi flafàla i yaanla.