Dyénésis 32:13 - Blaan Sarangani

¹³ Di kdasal Dyékob di Dwata, déén gukudangan di kilil yéél Dyabok di butang én. Na di kwalan, nalékan i dademe di dad lmanafan, du fye nun dad blén kadang di flanekan Isaw.

Dyénésis 32:13 Referans Kwoze

Dyénésis 43:11

Na man i màla, “Ku landè dademe kfagu fakay nan, bay mebe gamu i dad too fye bunge di tanaito, du bléyu di gubirnador atù. Mebe gamu dad bulung mdà di kayu, tukay tnab, dad anag, na dad bunge i dad kayu fistasio na aleméndras.

Dad Fngewe 18:16

Ku mayè ge smite i satu bong to, mebe ge i blém kenen, fye mlal site.

Dad Fngewe 21:14

Ku flabè i ganlal, magwè i kaflabean ku nun blé di kenen di gugbuni.

Dad Fngewe 19:6

I kdee to too mngabal i kfagu gaflehew nawa i mdatah to, na kdee to mayè samgalak i to gal mlé.

Dad Fngewe 17:8

Én fandam i dademe to, ku mlé filak di gugbuni salngad i satu imò, du balù simto gumléla dun, gwèla i knayèla.

Dyénésis 43:26

Di kulê Dyosif, bléla nan dad nebela kenen, na lkuad ale di munan, du nafèla kenen.

Dyénésis 42:6

Na du Dyosif i gubirnador di banwe Idyif, kenen i fabli fali di kdee dad to di dademe banwe. Na di kakel i dad flanekan, lkuad ale di munan, du mafè ale kenen.

Dyénésis 33:10

Man Dyékob, “Là, ku kandom agu dnawatam i bléta ge. I kagdawatam deg gine, sadi gambet i kagdawat Dwata deg, du too ge lehew baling smite deg.

Dyénésis 18:2

Na keye Abraham, nun teenan tlu dad lagi tadag mdadong déén. Di kiten dale sadlu smitong na lkuad du mafè dale.

Dyénésis 32:14

Na i tanalékan dunan, lwe latu libun kambing, na lwe falò i lagi, lwe latu libun bilibili, na lwe falò i lagi,

Dyénésis 33:8

Na lêman smalek Isaw, manan. “Gsitonggu gine too dee dad lmanaf, i tan i gukmamum dun?” Tmimel Dyékob, “Flanekgu, blégu ge du fye ken kandom agu, na too ge lehew moon smite deg.”

Dyénésis 13:16

Toota ge fbel, i landè gmagan mse di tandà i kdeela, gambet kfung i tanà. Du mula fa mse i kfung di kse i dad belam.

Dyénésis 15:5

Na nebe kenen Dwata déén di lwà, na manan di kenen, “Neyem i langit, na nsem i dad blatik ku gaganam i mse dun. Na di satu duh kadang too dee dad belam salngad i kdee dad blatik atù.”

Dyénésis 22:17

Ani i fakanggu, toogu mlé i kafye di ge, na toota ge fbel. Na i dad belam kadang, salngad kdee i dad blatik di langit, na salngad kdee i dad falak di kilil i mahin. Satu duh gfisan i dad belam i dad to dmuen dale, na ale baling kadang magot i dad banwela.