Dyénésis 32:11 - Blaan Sarangani

¹¹ Fakdogu di ge Dwata, begam agu falwà di falel i flanekgu Isaw. Too agu likò, du kenan gami fanngayu, na kenan agu fnati gakuf i dad yaangu na i dad ngàgu.

Dyénésis 32:11 Referans Kwoze

Dad Fngewe 18:19

I flanekam tafatdukam i nawan, too malima samfulê di fye i nawan ge, na ku nugakam fa, én too gablabal di kasafyeyu.

Matyu 6:13

Nangam faloh di gami i dad tilew gamgebe gami di salà, bay falwaam gami di ku Satanas gumdà i kdee sasè.

Salmo 119:134

Falwaam agu di dad to mkut deg, du fye glalògu i dad tdoam.

Salmo 43:1

E Dwata, neyem i nimògu na fdileam landè kaglut i kdalamla deg; nsenam agu di kduen dad to là faglut di ge, na falwaam agu di agot i dad to tmulen kéng na mimò sasè.

Salmo 16:1

Dwata, kanlungam agu, du ge i guflidunggu.

Dyénésis 27:41

Na busek Isaw di nawan i knangan i twalin Dyékob, du tagdawat Dyékob i kafye mdà di Dwata i blé moon di kenen. Na man Isaw di kton, manan, “Là mlo mati mà. Na kafnge én, bnanògu twaligu Dyékob.”

Dyénésis 27:42

Na di kaklinge Rébéka i tafandam Isaw, fngén Dyékob, na manan di kenen, “Tò, fanlingem agu. I flanekam Isaw mayè malas i tamgimoam di kenen, du falan fandam fanan ge fnati.

Dyénésis 32:3

Na nun dekan muna di flanekan Isaw déén di banwe Idom.

Dyénésis 32:7

Na di kaklinge Dyékob i santulenla ani, too sè klikoan na too msamuk i nawan. Taman nalelan i dad to magin kenen di lwe lumbuk, na nalelan i dad bilibilin, dad kambingan, dad bakan, na i dad kamél di lwe lumbuk.

Dyénésis 33:4

Kabay Isaw, sadlu kenen smitong ku Dyékob na lkafan na nalakan. Na sngel ale.

Dyénésis 24:27

manan, “Dnayengu Dwata i Amu, i Dwata i amugu Abraham, du too kenen gsalig, na nun kakdon landè kgilin, na dnohoan i fakangan di amugu, na kenen malak dagu di kagugu ditù di gumnè gaked i amugu.”