Dyénésis 3:20 - Blaan Sarangani

²⁰ Di kagman Dwata kdee ani gine, dnagit Adam i yaanan, dunan Iba, du kenen mbaling yê di kdee dad to.

Dyénésis 3:20 Referans Kwoze

Matyu 1:23

“Nun kadang satu sawang libun maltien, na mngà kenen lagi. Na én katlola kenen, Imanyuél.” I gumtatek Imanyuél, dunan, “Tadini Dwata samnagin di gito.”

Dyénésis 2:23

Na man i lagi, “Kenen tagablà demegu du i tulanan fdu di deg tulan, na i ungadan fdu di deg ungad, dnagitgu kenen libun, du mgimò mdà di lagi.”

Dyénésis 2:20

Na i to ani i mimò dagit i kdee bung lmanaf, na dad anuk di bnas. Kabay landè di dale blà kenen du nimò demen.

Dad Nimò 17:26

Mdà di satu lagi i tanimoan, nimò Dwata i kdee bung dad to, du fye mnè ale di klamang banwe. Na tagnean nalék i banwe gufnean kdeela na i klola mnè ditù.

Matyu 1:21

Mngà kenen lagi kadang, na i dagitam kenen, Dyisas, du kenen i to falwà i dad ton mdà di dad salàla.”

Éksodus 2:10

Midul i duh na midul i butang, na tabong i tingà lagi ani. Taman nebe i too glut yéan samfulê, di libun tingà i harì. Na fandam i libun ani i tingà lagi ani salngad i kenen too tingà. Na dagitan kenen Mosis, du manan, “Nwègu tingà ani di yéél.”

Dyénésis 16:11

Na tuad man i kasaligan Dwata, “Di là mlo ani, mngà ge lagi, na dnagitam ku Ismaél, du i gumtatek i dagitan ani dunan, fanlinge sa Dwata i kaftabengam.

2 Korintu 11:3

Likò agu ku ken nun mgaw gamu salngad ku Iba fangaw i ulad, na gasyat i fandamyu di kimenyu na i kakdoyu ku Krayst Dyisas.

1 Timoti 2:13

Na Adam i tnanin to nimò Dwata, kafnge én Iba.

Dyénésis 3:21

Na mimò Dwata i Amu klaweh ale Adam na Iba mdà di kindal i dad lmanaf na kanlawehan ale.