Dyénésis 28:3 - Blaan Sarangani

³ Na blé moon Dwata i too mtulus i kafye di ge, na banlén ge moon dee dad ngà, du mgimò ge mà i dee bung dad to.

Dyénésis 28:3 Referans Kwoze

Dyénésis 48:3

Na man Dyékob ku Dyosif, “Dwata, Too Mtulus, msut di deg di muna fa déén di banwe Lus di Kanaan, na banlén agu kafye.

Dyénésis 13:16

Toota ge fbel, i landè gmagan mse di tandà i kdeela, gambet kfung i tanà. Du mula fa mse i kfung di kse i dad belam.

Dyénésis 9:1

Na banlé Dwata kafye Nowa na i dad ngaan na manan di dale, “Too gamu mngà du fye dee dad ngàyu, du fye mbaling dee belyu kadang mbel di klamang banwe.

Dyénésis 1:28

Kafnge én, nun kafye blén di dale, na manan, “Mbel gamu, du fye nun dad belyu mnè na mebe i klamang tanà. Gamu sa fagotgu i dad nalaf di mahin na yéél, na dad anuk di bnas gal mayeng, na i dad kdee dad lmanaf i mnè di tah i tanà, dad mnalam na dad mlayal.”

Dyénésis 43:14

Na dmasal agu di Dwata Too Mtulus, du fye too nun kakdo i ganlal gamu, na falohan moon i twegeyu Simyon na Bénhamin magin gamu mulê. Kabay ku ani kfagu Dwata mwè i dad ngàgu ani di dagu, kaman sa!”

Dyénésis 41:52

Na dnagitan i twali dunan Ifraim, du manan, “Tablé Dwata di deg dad ngà dini di banwe ani, di gunun kaflayamgu.”

Dyénésis 24:60

Di là ale fa mdà, mni ale kafye mdà di Dwata, du blé di ku Rébéka, manla, “E, Dwata, begam moon banlé i flanekmi ani dee libu belan. Na fye moon too gfisan i dad belan kadang i kdee dad banwe i dademela sduen.”

Tafite 21:22

Na landè teengu i gumangamfù di Dwata di syudad én, du landè gukmamu dun, du déén Amuito Dwata Too Mtulus na Tingà Bilibili, na ale gumangamfù i kdee.

2 Korintu 6:18

Na mbaling agu Màyu, na mbaling gamu dad ngàgu. Ani man Dwata i Amu Too Mtulus.”

Salmo 127:3

Balù dad ngà, i Amuito Dwata i mlé dun di dad to; na too glut kafye i dad ngà blén di gito.

Éksodus 6:3

Di muna fa, tafitegu di ku Abraham, di ku Isaak, na di ku Dyékob deg i Dwata Too Mtulus, bay i dagitgu, dunan Dwata i Amu, làgu fgadè di dale.

Salmo 127:1

Ku là tmabeng Dwata di kafdak i gumnè, malmo i flayam i dad to fdak dun du landè gukelan. Na ku là tmabeng Dwata di kunung i banwe, malmo flayam i dad to là gkudang munung dun.

Dyénésis 17:20

Lingegu i kafakdom gablà ku Ismaél, taman blégu di kenen kadang i kafye na banlégu kenen dee dad ngà na dee dad belan. Na i sfalò lwe di dad belan mgimò kadang dad ulu. Na mgimò i dad belan i satu bung dad to too mlabung.

Dyénésis 27:33

Di kaklinge Isaak i tingaan, tatì too kankal du mdà di bong ktikengan. Na manan, “Ku ge Isaw, simto gine kè mebe deg i gwean dmulak kun. Tlabo ani kafngegu kmaan na tamni agu di Dwata du fye banlén kenen kafye, na talàgu fakay nawì i kablé Dwata kafye di kenen.”

Dyénésis 48:4

Hae, du manan di deg, ‘Toota ge fbel, du fye i dad belam mgimò i bong lumbuk i dad to, na blégu dale tanà ani, na nfunla kel di landè sen.’ Ani gman Dwata di deg.

Éksodus 1:7

Kabay i dad bel Dyékob dnagit dad bel Israél, too mbel, na mgimò ale i bong lumbuk i dad to. Na i tanà gumilila déén di Idyif, mbaling too fnò i dad bella.

Ruth 2:4

Na là mlo kel Boas mdà di Bétléhém, na manan di dad to kamtu, “Fye ku Dwata i Amu samnagin gamu.” Na tnimella kenen, manla, “Fye ku Dwata i Amu mlé kafye di ge.”