Dyénésis 27:41 - Blaan Sarangani

⁴¹ Na busek Isaw di nawan i knangan i twalin Dyékob, du tagdawat Dyékob i kafye mdà di Dwata i blé moon di kenen. Na man Isaw di kton, manan, “Là mlo mati mà. Na kafnge én, bnanògu twaligu Dyékob.”

Dyénésis 27:41 Referans Kwoze

Dyénésis 37:4

Na di kgadè dad flanek Dyosif, too kenen kando i màla mdatah fa di kakdon dale, mnang nawala kenen, na landè fye ktalùla di kenen.

Dad Fngewe 6:14

Na too fnò sasè di nawan, du toon fandam i kiboan mimò sasè, na balù nè gusalun mebe kenen i ksamuk.

Dyénésis 37:8

Na man i dad flanekan lagi, manla, “Tay, man nawam kè ku ge kadang i ulu magot gami?” Na too matnù i knang nawala kenen, du mdà di knan na i ktulenan dun di dale.

Dyénésis 32:6

Na di kasfulê i dad to dek Dyékob, manla di kenen, “Tasalu gami ditù di flanekam Isaw. Na tadéén kenen smitong ge, na faginan fat latu dad lagi.”

Titus 3:3

Du balù gito di muna, là ito fa glabat i dalan Dwata, na là ito mimen kenen, na gasyat ito di kaglut. Magfasak ito di kdee bung sasè nibalito na knayeito. Na mnè ito di sasè fandam, na di kingà nawa. Na mnang nawa dad to gito, na gito mnang nawa dale.

Dad Fngewe 1:16

du too ale mlal mimò sasè, na mlal ale manò.

Salmo 37:16

I tukay nfun i to matlu too mabtas fa di bong knun i dee to sasè,

Dyénésis 32:11

Fakdogu di ge Dwata, begam agu falwà di falel i flanekgu Isaw. Too agu likò, du kenan gami fanngayu, na kenan agu fnati gakuf i dad yaangu na i dad ngàgu.

Dyénésis 27:42

Na di kaklinge Rébéka i tafandam Isaw, fngén Dyékob, na manan di kenen, “Tò, fanlingem agu. I flanekam Isaw mayè malas i tamgimoam di kenen, du falan fandam fanan ge fnati.

Dyénésis 32:3

Na nun dekan muna di flanekan Isaw déén di banwe Idom.

Dyénésis 50:2

Kafnge ani, dek Dyosif i dad saligan i too fulung mulung, mulung i laweh i maan, du fye léét balok. Taman i dad to fulung mulung bnulungla i lawehan.

Dyénésis 37:18

Na balù mawag fa Dyosif, tateen kenen i dad flanekan, na fandamla ku tan kibòla mati kenen.

Dyénésis 50:15

Na du tamati nan Dyékob, stulen i dad flanek Dyosif, manla, “Fadê ken nun fa ksasè fandam Dyosif gito, na ani ken malas gito du mdà di sasè mgimoito di kenen di muna.”

Dad Fngewe 18:19

I flanekam tafatdukam i nawan, too malima samfulê di fye i nawan ge, na ku nugakam fa, én too gablabal di kasafyeyu.