Dyénésis 21:17 - Blaan Sarangani

¹⁷ Na Dwata mlinge i kngel i tingaan. Na kaklingen dun, tlo kasaligan Dwata Hagar, mdà di langit, na manan, “Tan kè duenam mlidù? Nang ge likò, du talinge Dwata i klanu i tingaam na teenan i kagkahan.

Dyénésis 21:17 Referans Kwoze

Dyénésis 16:11

Na tuad man i kasaligan Dwata, “Di là mlo ani, mngà ge lagi, na dnagitam ku Ismaél, du i gumtatek i dagitan ani dunan, fanlinge sa Dwata i kaftabengam.

Éksodus 3:7

Na kafnge én, man Dwata i Amu, “Tateengu i kaflayam i dad togu, i dad bel Israél, ditù di banwe Idyif. Na talingegu i dalongla, na i kafnila di dagu tabeng, du fye galwà ale di falel i dad to guglifanla. Gadègu too ale maflayam, na too mlidù i nawagu dale.

Salmo 91:15

Di katlon deg, tnabenggu kenen, na làgu kenen tnagak di bang i nun samuk, bay falwàgu na fdatahgu kenen.

Mark 5:36

Kabay fbayà Dyisas i manla, na manan di ganlal di gusatdò dad Dyu, manan, “Nang ge likò. Alò ge fadlug faglut.”

Matyu 15:32

Na tlo Dyisas i dad gal mlalò kenen di safédan, na manan, “Toogu kando i dad to stifun dini. Tatlu duhla fanak dini di safédgu, na talandè knaanla. Là agu mayè fdà dale ku landè knaanla, du ken mtafì ale di dalan.”

Salmo 65:2

du ge i tmimel dad dasal, taman ge gufdadong dad to di klamang banwe du nun salàla.

Éksodus 14:13

Kabay man Mosis di dad to, “Nang gamu likò. Nang gamu mila, bay fanak gamu, na teenyu kadang di duh ani, i nimò Dwata i Amu, du falwaan gamu di falel i dad to Idyif. I dad to Idyif i teenyu ani, kadang talàyu ale lêman teen.

Dyénésis 46:3

Na man Dwata, “Agu i Dwata, i Dwata i maam. Na nang ge likò salu di Idyif, du ditù kadang toogu fbel gamu, na gamu mgimò kadang i satu bung dad to too mlabung.

Dyénésis 16:9

Man i kasaligan Dwata i Amu, “Samfulê ge di kenen na nimenam i dekan ge.”

Dyénésis 15:1

Kafnge én, nun kanteen Abram na lingen Dwata i Amu talù di kenen, manan, “E Abram, nang ge likò, du agu sa i klungam i kamlung ge, na agu gumdà i too glut untungam.”

Dyénésis 16:7

Na nun kasaligan i Dwata smitong ku Hagar di satu sfuten di banwe landè to di kilil i dalan magu salu di banwe Sur.

Dyénésis 22:11

Kabay di fanan kagu mati i tingaan, gasil tamlo kasaligan Dwata i Amu mdà di langit, manan, “E, Abraham, Abraham.” Tmimel Abraham, “Hae Amu, gani agu.”

Dyénésis 24:7

Hae, du di muna fa, Dwata i Amu, i Dwata di langit, mdek deg tmagak i dad gaked i màgu, na i banwe gusutgu, na too kenen makang deg i kenen mlé i klamang tanà ani di dad belgu. Taman, Dwata sa febe kadang i kasaliganan malak ge di kagum, du fye ditù gumitem i libun yaan i tingàgu.

Éksodus 3:2

Na ditù, gumsut i kasaligan Dwata i Amu di ku Mosis di lam i lifoh too dminè. Na teen Mosis i lifoh ani di lam i tukay kayu. Na dminè i kayu, bay laan sa sakuf.

Salmo 6:8

Fawag gamu di deg, gamu dad to mimò sasè, du fanlinge Amugu Dwata i sdanangu na tnabengan agu.

Dyénésis 16:8

Na man kasaligan di kenen, “Hagar lifan Saray, nè gufdum, na nè gusalum?” Na tmimel Hagar, manan, “Mila agu di amugu Saray.”

Salmo 10:14

Mite ge sa, Dwata. Teenam sa i klidù na kaflayam dad to mdanà, na fanlayamam i dad mlayam dale. Ge i gusmalig i dad mdanà to, hae, du too ge mayè tmabeng i dad to landè kibòla tmabeng i ktola.