Dyénésis 21:14 - Blaan Sarangani

¹⁴ Na di kakwalan too flafus, banlé Abraham Hagar knaan, na i gumkah yéél too fnò. Na ftiangan kenen, na fdaan kenen na i tingaan lagi. Mdà ale na salu di banwe landè to dnagit Bérsiba, na lamngab ale déén.

Dyénésis 21:14 Referans Kwoze

Dyan 8:35

Na kagkah i lifan, landè kaglutan mnè di gumnè mfunan kel di landè sen, bay i tingà, fakay mnè di malay maan kel di landè sen.

Dad Fngewe 27:14

Ku nukatam i demem sgalak too flafus na too makto i taluam di kenen balù fye i manam, man nawan fanlagim kenen.

Salmo 107:4

Nun dademe di dad to falwaan du tatì ale lamngab di banwe gulandè to, na landè teenla banwe fye gumnèla.

Dyénésis 16:7

Na nun kasaligan i Dwata smitong ku Hagar di satu sfuten di banwe landè to di kilil i dalan magu salu di banwe Sur.

Dyénésis 46:1

Taman flulen Dyékob i kdee nfunan, na mdà ale di Kanaan. Na di kakella di banwe Bérsiba dsù Dyékob dad lmanaf di Dwata, i Dwata maan Isaak.

Dyénésis 37:15

nun to mite kenen lamngab di gal gufteb i dad lmanaf, du fanngabalan i dad flanekan. Na snalek i to ani Dyosif, manan, “Tan i fanngabalam?”

Dyénésis 24:54

Na kafnge ani, takmaan na minum i salig ani na i dad dademen magin kenen, na kudang ale déén di gumnèla. Na di ktékla di flafus man i salig Abraham, “Mbal agu di gamu, du fan agu mulê di amugu.”

Dyénésis 22:19

Kagman Dwata ani, samfulê Abraham na Isaak di dad saligla, na mdà ale mulê salu di Bérsiba, na mnè ale déén.

Dyénésis 22:3

Kaklinge Abraham ani, too flafus di kwalan én, tmifak kenen kayu, du dutungan i dsuan. Na nafidan i lmanaf gambet i kudà dnagit dongki, du gumlulenan dad neben. Na faginan Isaak na lwe saligan lagi, na mdà ale salu di banwe gumdek Dwata kenen.

Dyénésis 19:27

Di kakwalan too flafus, mték Abraham na samfulê kenen di gutadagan di muna i Dwata.

Dyénésis 21:13

Lêgu banlé kadang i tingaam mdà di lifanam libun, dee dad belan, du fye mbaling ale dee na mgimò i satu bung dad to too mlabung, du kenen i tingaam.”

Dyénésis 21:15

Na di kti yéélla, tnagak Hagar i tingaan lagi di dungan i tukay kayu.

Dad Fngewe 27:8

I anuk di bnas tatì alò mayeng na là samfulê di fulalan, salngad i to ku tatì alò lamngab na là mnè di gumnean.

Dyénésis 28:18

Na di kaflafusan, too flafus mték Dyékob na nwean i batu gutamdananan na fdakan du nimoan gufaldam i gnagun ani. Na kafnge én nkokan fngalo, du ilè ani i gumangamfù di Dwata.