Dyénésis 19:16 - Blaan Sarangani

¹⁶ Kabay tì fléét Lat. Taman du Dwata too kamdo dale, damyol i lwe kasaliganan ku Lat, i yaanan, na i dad ngaan libun, na nebela ale ditù di lwà i banwe.

Dyénésis 19:16 Referans Kwoze

2 Fiter 2:9

Taman too fulung Dwata falwà i dad to mlalò kenen mdà di dad tilew, na lê kenen fulung makus na mlayam i dad to mimò sasè kel di Duh Kukum.

Titus 3:5

falwaan ito mdà di kaflayam landè gusenan, ise gumdaan di fye mgimoito, bay alò mdà di kakdon gito. Falwaan ito fagu di klaneb Mtiu Tulus na di kablén di gito i falami nawa.

2 Korintu 1:3

Dnayenito Dwata i Mà Amuito Dyisas Krayst i too kamdo i dad to, i Mà too tmabeng na tamgal nawa i dad faglut di kenen.

Dyan 6:44

Landè to fakay fdadong di deg ku là nebe Mà, i mdek deg, na ntékgu kenen mdà di fati kadang di fulé duh.

I Fye Tulen gablà ku Dyisas Krayst i Sulat Luk 18:13

“Kabay i to gal mwè bayad buhis, tadag kenen di gumawagan, na balù lngalà di langit, là, bay ntungan kfen mdà di bong kliduan, na dmasal di Dwata, manan, ‘E Dwata, begam agu kando, du agu satu to too gamsalà!’

Salmo 118:1

Mlé gamu fye di Amuito Dwata, du too kenen fye, na i kakdon, landè kgilin kel di landè sen.

Salmo 107:1

Too gamu mlé fye di Amuito Dwata, du too kenen fye; i kakdon, landè kgilin kel di landè gusenan.

Salmo 103:13

Too nun kakdon i dad to nun klikò di kenen, salngad kakdo i satu mà di kenen dad ngà.

Salmo 34:12

Mayè gamu dé ku nun fye knèyu na ku mlawil gamu? Mayè gamu dé ku nun klehewyu?

Éksodus 34:6

Mlius kenen di muna Mosis, na di kliusan kenen, manan, “Agu Dwata i Amu, i Dwata too nun kakdo, na mlé kafye, na là lumak flabè, na too fnò i kakdo landè kgilin, na too gsalig.

Roma 9:18

Na ani gugmadeito Dwata alò malék ku simto i kandon, na simto i fgalan ulu, fagu di knayean.

2 Fiter 2:7

Kabay falwaan Lat, satu to matlu. Too msamuk i nawa Lat, gablà di magagyà nimò dad sasè to di lwe banwe ani.

Dyénésis 19:15

Di fan mayè mwal, gnaga i dad kasaligan i Dwata manla, “Faflal ge, faginam i yaanam na lwe dad ngaam libun, na tnagakyu banwe ani, du fye là gamu gagin di kalmon.”

Éksodus 34:7

Na fitegu i kakdogu i là mgili, fagu di klifetgu i dad sasè nimò, i klafà i knayègu, na i dad salà i file libu dad to. Kabay i dad to mimò salà, làgu fbayà, bay toogu fanlayam, na i kaflayamgu dale ani, kel di dad fùla, na kel fa di dad ngà i fùla.” Én gman Dwata.

Salmo 32:10

Én fatan i dad to gal mimò sasè i dee kaflayamla, bay i bong kakdo Dwata landè kgilin kamlung i dad to smalig di kenen.

Salmo 33:18

I Amuito Dwata i too meye na mifat dad to nun klikò di kenen, i dad to smalig di kakdon landè kgilin,

Salmo 33:19

du fye falwaan ale di fati, balù ku nun kel bong kbitil.

Dyénésis 43:10

Ku laam klen moon i kmanmi dun di ge, na balù talwe dulê gami nan moon samfulê di Idyif.”